Psalm 57:1-11
Gi a fesiman fu den pokuman: A musu prei leki a poku di nen „No kiri mi”. Wan psalm fu David. Wan Miktam.* David skrifi en di a lowe go kibri gi Saul na ini wan bergi-olo.
57 Mi Gado, du bun gi mi, mi e begi yu, du bun gi mi,bika na yu mi lon kon suku kibri.Na ondro den frei fu yu mi e kibri, teleki ala problema psa gwe.
2 Mi kari Gado, a Moro Heiwan,iya, mi kari a tru Gado di e lusu den problema fu mi.
3 A o seni yepi kon gi mi kmoto fu hemel èn a o ferlusu mi.
A o bruya a sma di de na mi baka leki wan meti di e suku fu beti mi. (Sela)
Gado o sori mi bun-ati* èn a o sori taki en na wan Gado di e du ala ten san a taki.
4 Mi de na mindri lew.Mi no man tra fasi leki fu d’don na mindri libisma di de leki ogri meti di wani nyan mi.Den tifi fu den na lansri nanga peirièn a tongo fu den na wan srapu fet’owru.
5 Mi Gado, sori a glori fu yu na hemel.Meki a glori fu yu de fu si na heri grontapu.
6 Den feanti fu mi seti wan nèt pe mi e waka.Mi brokosaka trutru.
Den diki wan olo gi mi,ma na den srefi fadon go na ini. (Sela)
7 Mi o tan lobi yu nanga mi heri ati, mi Gado,mi o tan lobi yu nanga mi heri ati.
Mi o singi èn mi o prei poku gi yu.
8 Mi o wiki.
Mi o wiki fosi a son opo.
Mi wani prei harpu nanga tra sani di gersi harpu.
9 Yehovah, mi o prèise yu na fesi den pipel.Mi o singi prèisesingi* gi yu na fesi den sma fu difrenti kondre.
10 A lobi* fu yu bigi so te, taki a e doro te na hemel.Den bun sani di yu e du furu so te, taki den e doro te na den wolku.
11 Mi Gado, sori a glori fu yu na hemel.Meki a glori fu yu de fu si na heri grontapu.
Futuwortu
^ Noso: „prei poku”.
