Psalm 147:1-20
147 Prèise Yah!*
A bun fu singi prèisesingi* gi wi Gado.A e gi wi prisiri te wi e prèise en, iya, a fiti fu du dati!
2 Yehovah e bow Yerusalem.A e tyari den Israelsma di ben panya go na ala sei, kon na wán.
3 A e dresi den sma di brokosakaèn a e tai den soro fu den.
4 A e teri den stari.A e kari den alamala na den nen.
5 A Masra fu wi bigi èn a abi bun furu krakti.Nowan sma man marki a koni* fu en.
6 Yehovah e opo den safr’ati sma.Ma a e trowe den ogrisma na gron.
7 Singi gi Yehovah fu taki en tangi.Un prei harpu fu prèise a Gado fu wi.
8 En na a sma di e tapu a loktu nanga wolku,a sma di e sorgu taki alen e fadon na grontapu,a sma di e meki grasi gro na tapu den bergi.
9 A e gi n’nyan na den metièn na den yongu blaka fowru di e bari fu di angri e kiri den.
10 Gado no e si a krakti fu asi leki wan bigi sani.A krakti* fu wan libisma na noti gi en.
11 Yehovah e prisiri nanga den sma di abi bigi lespeki gi en,iya, nanga den sma di sabi taki a o sori den bun-ati.*
12 Yerusalem, gi Yehovah glori.
Sion, prèise yu Gado.
13 A e meki den balk fu den portu fu yu kon tranga.A e blesi den manpkin fu yu.
14 A e sorgu taki freide de na ini a kontren fu yu.A e gi yu a moro bun aleisi fu nyan yu bere furu.
15 A e taki san musu psa na grontapu.A wortu fu en e lon es’esi.
16 A e meki snew fadon neleki skapu-w’wiri.A e meki finfini ijs fadon neleki asisi.
17 A e trowe pispisi ijs kon na gron neleki a sakasaka fu brede.
Suma kan teki a kowru fu en?
18 Na taki a e taki nomo, dan na ijs e smèlter kba.
A e meki a winti fu en wai, dan watra e bigin lon.
19 A e ferteri Yakob san a musu du.A e gi Israel den wet fu en èn a e taigi den na san den musu hori densrefi.
20 Gi nowan tra pipel a du disi.Nowan tra pipel kon sabi den wet fu en.
Prèise Yah!
