Psalm 79:1-13
Wan singi fu Asaf.
79 Mi Gado, den trakondre sma kon na ini a kondre fu yu.Den doti a santa tempel fu yu.Den meki Yerusalem tron wan brokopresi.
2 Den meki den fowru di e frei na loktu nyan den dedeskin fu den futuboi fu yu.Den meki den busmeti nyan a skin fu den wan di tan dini yu.
3 Na ini heri Yerusalem den feanti kanti a brudu fu yu pipel trowe leki watraèn nowan sma no de fu beri den.
4 Den pipel na wi lontu e wiswasi wièn den pipel di e libi krosbei fu wi e spotu wi èn den e lafu wi.
5 Yehovah, o langa yu o de nanga bigi atibron? Fu têgo?
O langa yu ati o tan bron?
6 Puru atibron tapu den pipel di no sabi yuèn tapu den kownukondre di no e gi yu nen grani.
7 Bika den pori Yakob krinkrin.Den meki a kondre fu en tron wan brokopresi.
8 No strafu wi gi den sondu fu den afo fu wi.
Kon esi! Abi sar’ati nanga wi,fu di wi de na bigi nowtu.
9 Mi Gado, yu na wi Ferlusuman.Yepi wi so taki yu nen kan kisi glori.Ferlusu wi èn gi wi pardon fu den sondu fu wi,* so taki sma kan gi yu nen grani.
10 Fu san ede den trakondre sma musu taki: „Pe a Gado fu den de now?”
Meki wi si fa yu o pai den baka,fu di den kiri den futuboi fu yu.
11 Mi e begi yu fu arki a geme fu den sma di de na strafu.
Gebroiki a bigi krakti* fu yu fu hori den sma di kisi dedestrafu* na libi.
12 Yehovah, strafu den sma na wi lontu seibi tron,fu di den wiswasi yu.
13 Dan wi di de a pipel fu yu èn den skapu di de na den weigron fu yuo taki yu tangi fu têgo.Wi o prèise yu fu ala ten.
