Psalm 88:1-18
Wan singi fu den bakapkin fu Korak. Gi a fesiman fu den pokuman. Wan Mahalat-poku.* Wan poku pe sma e singi èn trawan e piki. Wan Maskil* fu Heiman, wan Esrasma.
88 Yehovah, yu na a Gado di e ferlusu mi.Na deiten mi e bari kari yuèn te neti mi e kon na yu fesi.
2 Grantangi yere a begi fu mi.Arki* mi te mi e begi yu fu yepi mi.
3 Mi libi lai problema.Mi doro te na Grebi* mofodoro.
4 Sma e si mi leki wan sma di de na dedepasi.Mi kon de leki wan man di no man yepi ensrefi,*
5 leki wan man di sma libi na mindri den dedewan,iya, leki den wan di sma kiri èn di de na ini grebi.Yu no e prakseri den sma disi moroèn yu no e yepi den moro.
6 Yu poti mi na ini a moro dipi olo di de.Mi de na wan dungru presi, na ini wan bigi peti di no abi gron.
7 Yu ati bron srefsrefi nanga mi.Yu meki den bigi skwala fu yu wasi kon na mi tapu. (Sela)
8 Yu meki den mati fu mi gwe libi mi.Yu meki mi tron wan fisti sani gi den.
A de leki mi de na strafu èn mi no man kmoto.
9 Mi e sari so te taki mi ai kon weri.
Yehovah, heri dei mi e kari yu.Mi e opo mi anu go na loktu fu begi yu.
10 Yu o du wondru gi den sma di dede kba?
Den dedewan di no man du noti o opo fu prèise yu? (Sela)
11 Den sma di de na ini grebi o man ferteri taki yu e sori sma bun-ati?*Den sma di de na wan presi pe den e pori gwe* o man ferteri taki yu na wan Gado di e du ala ten san a pramisi?
12 Den sma di de na den dungru presi o man si den wondru fu yu?Den sma di de na ini a kondre fu den wan di yu fergiti o man sabi taki yu na wan Gado fu retidu?
13 Tòg mi e bari suku yepi na yu, Yehovah,èn ala m’manten mi e begi yu.
14 Yehovah, fu san ede yu gwe libi mi?
Fu san ede yu drai yu fesi gi mi?
15 Sensi di mi yongu mi e pinaèn sani miti mi di ben kan meki mi lasi mi libi.Yu gi pasi taki wan lo ogri sani psa nanga mi èn mi kon weri.
16 A bigi atibron fu yu e meki taki mi no man du noti.Den sani di yu e du e meki mi frede.
17 Heri dei den sani disi lontu mi neleki watra.Den tapu mi lontu na ala sei.*
18 Yu meki den mati fu mi nanga den sma di mi sabi gwe libi mi.Dungru na mi mati now.
