Psalm 42:1-11
Gi a fesiman fu den pokuman. Wan Maskil* fu den bakapkin fu Korak.
42 Neleki fa wan dia e angri fu go dringi watra na den liba,na so mi e angri fu mi Gado.
2 Mi e angri trutru fu dini Gado, iya, a libilibi Gado.
O ten mi o man kon na fesi Gado?
3 Dei nanga neti mi e krei. Den watra-ai fu mi kon de leki n’nyan gi mi.Heri dei den feanti fu mi e aksi mi: „Pe a Gado fu yu de now?”
4 Mi e sari te mi e prakseri fa sani ben de fosi.Fosi, mi ben gwenti waka nanga a bigi grupu sma.Mi ben gwenti waka na den fesi fu go na a oso fu Gado.Wi ben e bari fu prisiri èn wi ben e singi fu taki Gado tangi.Wi ben de leki wan bigi grupu sma di ben e hori wan fesa.
5 Fu san ede mi e firi so brokosaka?
Fu san ede mi e bruya so?
Mi o wakti Gado,bika mi sabi taki wan ten o kon taki mi o prèise mi Bigi Ferlusuman baka.
6 Tye mi Gado, mi e firi so brokosaka.
Dati meki mi e prakseri yute mi de na a kondre pe Yordan-liba e lon, te mi de na a ede fu Hermon-bergièn te mi de na tapu Misar-bergi.*
7 Mi e yere a b’bari fu watra,a b’bari fu a watra di e saka kon na ondro.
Den bigi tranga skwala fu yu saka kon na mi tapu.
8 Na deiten Yehovah o sori mi taki a lobi* mièn na neti mi o singi fu en. Mi o begi a Gado di e gi mi libi.
9 Mi o taigi Gado, mi stonbergi:
„Fu san ede yu fergiti mi?
Fu san ede mi e waka lontu e sari? Fu san ede mi feanti musu pina mi so?”
10 Den feanti fu mi e spotu mi so te, taki mi e firi en te na ini mi bonyo.*Heri dei den e aksi mi: „Pe a Gado fu yu de now?”
11 Fu san ede mi e firi so brokosaka?
Fu san ede mi e bruya so?
Mi o wakti Gado,bika mi sabi taki wan ten o kon baka taki mi o prèise mi Bigi Ferlusuman, a Gado fu mi.
