Wi o breiti efu yu kon
Konmakandra fu memre a dede fu Yesus
Fodewroko 2 april 2026
Wi e gi yu wan kari fu kon na den tu gratis konmakandra disi
Spesrutu Bijbel-lezing
„Suma o meki grontapu kon bun baka?”
Yu o kon sabi sortu moi sani o psa na grontapu èn sortu moi howpu libisma abi.
Konmakandra fu memre a dede fu Yesus
Na a spesrutu konmakandra disi, Yehovah Kotoigi e memre a dede fu Yesus leki fa a ben taigi wi fu du.—Lukas 22:19.
Aksi di furu sma abi
Suma kan kon?
Ala sma mag kon. Yu kan tyari yu famiri tu.
O langa den konmakandra o hori?
A spesrutu Bijbel-lezing o hori wan afu yuru. Baka a lezing wi o abi wan takmakandra fu wán yuru pe wi o taki fu wan Bijbel tori.
A konmakandra fu memre a dede fu Yesus o hori sowan wán yuru langa.
Pe den konmakandra disi o hori?
Fu man feni wan presi, klik na loktusei tapu „Suku wan presi pe a konmakandra fu memre a dede fu Yesus o hori” noso „Suku wan presi pe a spesrutu Bijbel-lezing o hori”.
Mi musu pai fu kon insei noso mi abi fu tan kon na den konmakandra fu wi?
No.
Den o piki moni na den konmakandra?
No. Noiti wi e piki moni na den konmakandra fu wi.—Mateyus 10:8.
Mi musu weri spesrutu krosi?
No. Ma Yehovah Kotoigi e du muiti wel fu weri krosi na wan lespeki fasi èn krosi di fiti den sortu konmakandra disi.
San o psa na a konmakandra fu memre a dede fu Yesus?
Na a bigin èn na a kba fu a konmakandra disi wi o singi wan singi èn wan Yehovah Kotoigi brada o begi. Yu o abi wan lezing tu di o sori o prenspari a dede fu Yesus de èn fa wi kan kisi wini fu a sani disi di Gado nanga Krestes du gi wi.
Efu yu wani sabi moro, dan luku na artikel „Fu san ede Yehovah Kotoigi e hori na Avondmaal fu Masra tra fasi leki den tra kerki?”
O ten wi o memre a dede fu Yesus na ini a ten di e kon?
2026: Fodewroko 2 april
2027: Munde 22 maart
2028: Sonde 9 april
Efu yu wani sabi moro, dan luku den felem disi:
Yu o si fa a konmakandra fu memre a dede fu Yesus e hori èn yu o si fa a libi o moi na ini a ten di e kon fu di Yesus dede gi wi.
Kande yu yere taki Yesus dede gi den sondu fu wi. Ma fa a dede fu wán sma kan yepi milyunmilyun sma?
San wi e du na ini wan kownukondre zaal?
Kon, dan yu srefi o si.
Yu kan download a kari disi na difrenti fasi.