Psalm 28:1-9
-
Gado yere a begi fu a psalm skrifiman
-
Yehovah na mi krakti nanga mi schild (7)
-
Wan psalm fu David.
28 Yehovah, na yu mi e tan kari. Yu na mi Stonbergi.Mi e begi yu fu arki mi.
Efu yu no piki mi,dan mi o kon de leki wan dedesma.
2 Arki mi te mi e kari yu, iya, te mi e begi yu fu yepi mi.Arki mi te mi e opo mi anu go na a sei fu a moro santa presi na ini a tempel fu yu.
3 No strafu mi makandra nanga den ogrisma èn nanga den sma di e du hati sani nanga trawan.Iya, no strafu mi makandra nanga den wan di e taki switi nanga tra sma, ma na ini den ati den e prakseri soso ogri.
4 Strafu den gi den sani di den du,iya, gi den ogri fu den.
Strafu ibriwan fu den gi den sani di den du.Pai den gi den ogri fu den.
5 Bika den no e poti prakseri na den sani di Yehovah duèn den no e broko den ede nanga den sani di a meki.
A o broko den saka. A no o horbaka gi den.
6 Prèise Yehovah,bika a yere den begi fu mi.
7 Na Yehovah e gi mi krakti. A de wan schild gi mi.Na tapu en mi e fertrow nanga mi heri ati.
Mi ati e prisiri fu di a yepi mi.Nanga a singi fu mi, mi o prèise en.
8 Yehovah e gi en pipel krakti.A de wan fortresi.* A e ferlusu a salfuwan fu en.
9 Ferlusu yu pipel èn blesi den.
Sorgu den leki wan skapuman. Hori den na ini yu anu èn tyari den fu ala ten.
