Psalm 47:1-9
Gi a fesiman fu den pokuman. Wan singi fu den bakapkin fu Korak.
47 Un pipel, un naki anu.
Un prèise Gado èn bari fu prisiri.
2 Yehovah, a Moro Heiwan, bigi srefsrefi.*En na a bigi Kownu di e tiri heri grontapu.
3 A e meki wi wini den pipel fu tra kondre.A e meki wi basi den sma fu den kondre.
4 Ensrefi o gi wi wan kondre leki gudu.A gudu disi e gi Yakob, di a lobi, furu prisiri. (Sela)
5 Sma ben e bari fu prisiri di Gado opo go na a kownusturu fu en.Sma ben e bro tutu* di Yehovah opo go na a kownusturu fu en.
6 Un singi prèisesingi* gi Gado, iya, singi prèisesingi.
Singi prèisesingi gi wi Kownu, iya, singi prèisesingi.
7 Bika Gado na Kownu fu heri grontapu.Un singi prèisesingi èn sori taki un koni.
8 Gado tron Kownu fu ala pipel.
Gado e sdon na tapu en santa kownusturu.
9 Den tiriman fu den kondre kon na wánmakandra nanga a pipel fu a Gado fu Abraham.
Bika den tiriman* fu grontapu de na ini na anu fu Gado.
A hei srefsrefi.
