Psalm 107:1-43
107 Taki Yehovah tangi bika a bun.En bun-ati* de fu têgo.
2 Dati na san den sma di Yehovah ferlusu* musu taki,iya, den wan di a puru na a anu* fu a feanti
3 èn di a puru na ini den tra kondre fu tyari kon na wán,iya, fu owstusei te go miti west-sei,*fu noordsei te go miti zuidsei.
4 Den ben e waka lontu na ini a sabana, a presi pe nowan sma e tan.Den no ben man feni nowan pasi fu tyari den go na wan foto pe den ben kan libi.
5 Angri ben e kiri den èn watra ben e kiri den tu.Den ben weri te fu dede.
6 Di sani ben moro den, den ben e bari kari Yehovah.A puru den na ini a nowtu fu den.
7 A meki den waka a yoisti pasigo na wan foto pe den ben kan libi.
8 Meki sma taki Yehovah tangi fu a bun-ati* di a sori denèn fu den bigi sani di a du gi libisma.
9 Bika di watra ben e kiri den sma, a gi den watra fu dringièn di angri ben e kiri den, a gi den furu bun sani fu nyan.
10 Sonwan fu den ben e libi na ini bigi dungru.Den ben de strafman di ben tai nanga isri keti èn den ben e pina,
11 fu di den no du san Gado taigi den.Den ben si a rai fu a Moro Heiwan leki wan lawlaw sani.
12 A meki den pina. Na so a leri den fu saka densrefi.Den fadon, ma nowan sma ben de fu yepi den.
13 Di sani ben moro den, den suku yepi na Yehovah.A puru den na ini a nowtu fu den.
14 A puru den na ini bigi dungru.A hari den keti fu den koti.
15 Meki sma taki Yehovah tangi fu a bun-ati* di a sori denèn fu den bigi sani di a du gi libisma.
16 Bika a broko den kopro doro opoèn a koti den isri stanga.
17 Sonwan fu den ben don èn den ben e pina,fu di den ben trangayesi èn fu di den ben e du sani di no bun.
18 Den no ben e lostu nowan n’nyan.Den ben doro te na dede mofodoro.
19 Di sani ben moro den, den suku yepi na Yehovah.A puru den na ini a nowtu fu den.
20 Na taki a taki nomo, dan den kon betreèn a kibri den fu den no dede.
21 Meki sma taki Yehovah tangi fu a bun-ati* di a sori denèn fu den bigi sani di a du gi libisma.
22 Meki den tyari ofrandi fu taki Gado tangièn meki den bari fu prisiri te den e taki fu den sani di a du.
23 Den wan di e teki boto fu waka na seèn di e du bisnis na den bigi watra
24 si den sani di Yehovah du.Den si den moi sani di a meki na ini a dipi se.
25 Na taki a e taki nomo, dan wan tranga winti e bigin waidi e meki bigi skwala opo na se.
26 Den skwala e opo den sipi go na loktu,dan den e saka den kon na ondro baka.
Fu di den botoman sabi taki ogri kan miti den, meki a dek’ati fu den e smèlter gwe.
27 Den botoman e slingerslinger leki drunguman èn den e fadon.A koni fu den no man yepi den.
28 Te sani e moro den, den e bari kari Yehovah.Dan a e puru den na ini a nowtu fu den.
29 A e meki a bigi winti sakaèn den skwala fu a se no e rigeri moro.
30 Den botoman breiti te den skwala saka.Baka dati a e tyari den go na a lanpe di den ben e suku fu doro.
31 Meki sma taki Yehovah tangi fu a bun-ati* di a sori denèn fu den bigi sani di a du gi libisma.
32 Meki ala den sma di kon makandra prèise en.Meki den owru man di kon makandra prèise en tu.
33 A e meki liba tron drei sabana.A e meki kontren pe watra e lon kon drei.
34 A e kenki a gron di fatu kon tron sowtu gron,fu di den sma di e libi drape e du soso ogri.
35 A e kenki drei sabana kon tron kriki pe warimbo e groèn a e kenki drei gron kon tron presi pe furu watra e lon.
36 Na drape a e meki den sma di abi angri go tan,so taki den kan bow wan foto fu go libi na ini.
37 Den e sai siri na tapu den gron fu den èn den e prani droifibondi e gi furu n’nyan.
38 Den e kon furu fu di a e blesi den.A no e meki den lasi nowan meti fu den.
39 Ma a pipel e kon weinig baka èn den e kisi syenfu di sma e kwinsi den, fu di ogri e miti den èn fu di den e sari.
40 A e wiswasi den heihei manèn a e meki den waka lontu na ini a sabana pe pasi no de.
41 Ma a e kibri den pôtiwan* fu sma no kwinsi den.A e meki den famiri fu den kon bigi srefsrefi.
42 Den ret’ati sma e si disi èn den e prisiri.Ma ala den sma di no e du san reti e tapu den mofo.
43 A sma di koni o si den sani disièn a o poti prakseri na a fasi fa Yehovah e sori sma bun-ati.*
