Psalm 129:1-8
-
Sma du ogri nanga mi, ma den no wini mi
-
Den sma di e teige Sion kisi syen (5)
-
Wan singi fu den sma di e kren go na a foto.
129 „Sensi mi yongu den e du ogri nanga mi.”
Meki Israel taki disi ete wan tron:
2 „Sensi mi yongu den e du ogri nanga mi.Ma den no wini mi.
3 Den man di e plugu gron, plugu na tapu mi baka.Den meki langa gotro na tapu mi baka.”
4 Ma Yehovah na wan Gado fu retidu.A koti den t’tei fu den ogrisma.
5 Ala den sma di e teige Siono kisi syen èn den o drai gwe baka.
6 Den o kon de leki grasi na tapu den dak fu den oso,leki grasi di e drei fosi sma hari den puru,
7 iya, leki grasi di no e furu na anu fu den kotiman.A no sari fu sma tai wan bosu srefi.
8 Den sma di e waka psa no o taki:
„Meki Yehovah blesi unu.Wi e blesi unu na ini a nen fu Yehovah.”
