Psalm 76:1-12
Gi a fesiman fu den pokuman: A musu prei tapu sani di gersi harpu. Wan singi fu Asaf.
76 Ala sma na ini Yuda sabi Gado.A abi biginen na ini Israel.
2 En tenti de na Salem.Na oso fu en de na Sion.
3 Drape a broko den peiri di abi faya.Iya, a broko a schild, a fet’owru nanga den tra fetisani. (Sela)
4 Yu e skèin leti.*Yu bigi moro den bigi bergi pe busmeti lai.
5 Sma fufuru den sani fu den dek’ati man.
Den dede.*Nowan fu den fetiman disi ben man du wan sani.
6 Gado fu Yakob, den man di e rèi asiwagi nanga den asi fadon na ini wan dipi sribifu di yu pir’ai gi den.
7 Yu w’wan bigi srefsrefi.*
Suma man tnapu na yu fesi te yu de nanga bigi atibron?
8 Kmoto fu hemel yu krutu den feanti fu yu.Den sma fu grontapu ben frede èn den tan tiri
9 di Gado opo fu koti krutuèn fu ferlusu ala den safr’ati sma. (Sela)
10 Te sma ati e bron, dan yu o teki na okasi dati fu gi yusrefi grani.Te sma e tan ati bron, dan yu o teki na okasi dati fu gi yusrefi biginen.
11 Te unu pramisi Yehovah un Gado wan sani, un musu du san un pramisi.Un alamala di de lontu en, un tyari kado kon gi en fu di unu e lespeki en.
12 A o lagi den tiriman di abi heimemre.Den kownu fu grontapu e frede en.
