Psalm 127:1-5
Wan singi fu den sma di e kren go na a foto. Wan psalm fu Salomo.
127 Efu Yehovah no bow na oso,dan na fu soso den bowman e wroko tranga fu bow en.
Efu Yehovah no hori wakti gi a foto,dan na fu soso a waktiman tan na ai.
2 Na fu soso unu e opo fruku m’manten.Na fu soso unu e tan na ai te lati neti.Na fu soso unu e wroko so tranga fu kan feni n’nyan.Bika Gado e sorgu gi den sma di a lobi èn a e meki den sribi switi.
3 Luku, pkin na gudu di Yehovah gi yu.Den pkin di e kmoto na ini yu bere na wan blesi fu en.
4 Den pkin di yu kisi di yu ben de wan yonguman ete,de leki peiri na ini na anu fu wan tranga man.
5 A man di furu en peirikokro nanga den o de koloku.
A no o kisi syen,bika den pkin fu en o de na a portu fu a foto fu taki nanga den feanti fu en.
