Psalm 43:1-5

  • Gado e koti krutu èn a e ferlusu

    • „Seni yu leti kon èn leri mi den tru tori fu yu” (3)

    • „Fu san ede mi e firi so brokosaka?” (5)

    • „Wakti Gado” (5)

43  Gado, mi e begi yu, koti krutu gi mi.Opo taki gi mi na fesi wan pipel di no tai hori na yu. Puru mi na ini na anu fu a sma di e bedrigi trawan èn di no e du san reti.  2  Bika yu na mi Gado, yu na mi fortresi.* Fu san ede yu gwe libi mi? Fu san ede mi e waka lontu e sari? Fu san ede mi feanti musu pina mi so?  3  Seni yu leti kon èn leri mi den tru tori fu yu. Meki den sori mi a pasi.Meki den tyari mi go na yu santa bergi èn na a tabernakel fu yu.  4  Mi o kon na a altari fu Gado.Mi o kon na fesi Gado di e gi mi furu prisiri. Mi o prei harpu fu prèise yu, mi Gado.  5  Fu san ede mi e firi so brokosaka? Fu san ede mi e bruya so? Mi o wakti Gado,bika mi sabi taki wan ten o kon baka taki mi o prèise mi Bigi Ferlusuman, a Gado fu mi.

Futuwortu

Auteursrechten voor deze publicatie