Psalm 97:1-12
97 Yehovah tron Kownu!
Meki grontapu prisiri.
Meki ala den èilanti breiti.
2 Wolku nanga bigi dungru de na en lontu.A reti fasi fa a e koti krutu nanga a retidu fu en na a fundament fu a kownusturu fu en.
3 Wan bigi faya e bron na en fesi.A faya e bron ala den feanti na en lontu.
4 A faya fu en di e koti na loktu e skèin leti na ala sei.Di grontapu si dati a kon frede srefsrefi.
5 Den bergi e smèlter leki kandrafatu na fesi Yehovah,iya, den e smèlter na fesi a Masra fu heri grontapu.
6 Hemel e taki fu a retidu fu en.Ala den pipel e si a glori fu en.
7 Meki den sma di e anbegi popki kisi syen,iya, ala den sma di e meki bigi gi den gado di no warti noti.
Un gado, un boigi gi* en.
8 Yehovah, Sion yere fa yu wini èn a e prisiri.Den foto* na ini Yuda e prisiri tu.Iya, den prisiri di den yere fa yu koti krutu na wan reti fasi.
9 Bika yu, Yehovah, na a Moro Heiwan fu heri grontapu.Yu hei srefsrefi, iya, yu hei moro ala tra gado.
10 Unu di lobi Yehovah, un no musu lobi ogri kwetkweti.
A e kibri a libi fu den wan di e tai hori na en.A e ferlusu den fu na anu* fu den ogriwan.
11 Wan bigi leti skèin gi den ret’ati sma.Den krin-ati sma bigin prisiri.
12 Prisiri nanga Yehovah, un ret’ati sma.Prèise en gi a santa nen fu en.
