Psalm 136:1-26
136 Un taki Yehovah tangi, bika a bun.En bun-ati* de fu têgo.
2 Taki a Gado fu den gado tangi.En bun-ati de fu têgo.
3 Taki a Masra fu den masra tangi.En bun-ati de fu têgo.
4 En w’wan e du bigi sani.En bun-ati de fu têgo.
5 Nanga koni a meki hemel.En bun-ati de fu têgo.
6 A seti grontapu poti tapu a watra.En bun-ati de fu têgo.
7 A meki den bigi leti na hemel.En bun-ati de fu têgo.
8 A poti a son leki basi fu deiten.En bun-ati de fu têgo.
9 A poti a mun nanga den stari leki basi fu a neti.En bun-ati de fu têgo.
10 A kiri ala den fosi pkin fu den Egeptesma.En bun-ati de fu têgo.
11 A puru Israel na den mindri.En bun-ati de fu têgo.
12 A langa en makti anu fu yepi den.En bun-ati de fu têgo.
13 A prati a Redi Se na tu.*En bun-ati de fu têgo.
14 A meki Israel psa na ini a se.En bun-ati de fu têgo.
15 A trowe Farao nanga en legre na ini a Redi Se.En bun-ati de fu têgo.
16 A tyari en pipel psa na ini a sabana.En bun-ati de fu têgo.
17 A puru makti kownu na pasi.En bun-ati de fu têgo.
18 A kiri kownu di ben abi bigi makti.En bun-ati de fu têgo.
19 A kiri Kownu Sihon fu den Amorietsma.En bun-ati de fu têgo.
20 A kiri Kownu Ok fu Basan tu.En bun-ati de fu têgo.
21 A teki a kondre fu den, dan a gi en pipel a kondre dati leki gudu.En bun-ati de fu têgo.
22 A gi en leki gudu na en futuboi Israel.En bun-ati de fu têgo.
23 A prakseri wi di wi ben las’ati.En bun-ati de fu têgo.
24 Ibri leisi a ferlusu wi fu den feanti fu wi.En bun-ati de fu têgo.
25 A e gi ala libisani n’nyan.En bun-ati de fu têgo.
26 Taki a Gado fu hemel tangi.En bun-ati de fu têgo.
