Psalm 21:1-13
Gi a fesiman fu den pokuman. Wan singi fu David.
21 Yehovah, na fu di yu e gi a kownu krakti meki a e prisiri.A e tan prisiri, fu di na yu e ferlusu en!
2 San en ati ben wani, na dati yu gi enèn san a mofo fu en ben aksi yu, na dati a kisi fu yu. (Sela)
3 Yu blesi en nanga furu bun sani.Yu poti wan kroon fu soifri gowtu na tapu en ede.
4 A aksi yu wan langa libi èn na dati yu gi en tu.Yu gi en langa libi, iya, yu gi en têgo libi.
5 A kisi bigi glori, fu di na yu ferlusu en.
Yu gi en furu grani èn yu meki a kisi biginen.
6 Yu meki taki a e kisi blesi fu têgo.A e prisiri srefsrefi te a e si taki yu de nanga en.*
7 A kownu e fertrow tapu Yehovah.Fu di a sabi taki a Moro Heiwan o tan lobi* en, meki noiti a o fadon.*
8 Nanga yu eigi anu yu o grabu ala den feanti fu yu.Nanga yu ret’anu yu o grabu den wan di e teige yu.
9 Te yu o kon fu strafu den, a o de neleki yu trowe den na ini wan faya onfu.
Nanga atibron Yehovah o swari den èn faya o bron den.
10 Yu o kiri ala den pkin fu den puru na grontapu,iya, den bakapkin fu den no o de moro na mindri libisma,
11 bika den ben abi na prakseri fu du yu ogri.Den wani du ogri nanga yu, ma den no o man.
12 Yu o meki den lon gwete yu span yu bo fu sutu na den tapu.*
13 Yehovah, sori a krakti fu yu. Opo du wan sani.
Wi o singi fu prèise* a makti fu yu.
