Psalm 92:1-15
Wan singi gi a Sabat-dei.
92 A bun fu taki Yehovah tangièn fu singi prèisesingi* gi a nen fu a Moro Heiwan.
2 Iya, a bun fu singi fu yu bun-ati* na m’mantenèn fu singi na neti fa yu e du ala ten san yu pramisi.
3 A bun fu prei bigi harpu.Iya, a bun fu prei moi poku na tapu a harpu.
4 Bika den sani di yu e du, Yehovah, e meki mi breiti.Mi e bari fu prisiri te mi e si den sani di yu meki.
5 Yehovah, yu du bigi sani!
Den prakseri fu yu dipi srefsrefi!
6 Nowan sma di no abi ferstan kan kon sabi den prakseri fu yu.Nowan donsma man ferstan a sani disi:
7 Den ogriwan e sproiti leki grasièn sani e go bun nanga ala den sma di e du ogri.Ma te fu kba yu o wai den puru fu têgo.
8 Ma yu, Yehovah, fu têgo yu hei moro ala sma.
9 Yehovah, luku fa den feanti fu yu fadon.Iya, den feanti fu yu o dede.Yu o meki den ogrisma lon panya.
10 Ma yu o meki mi kon tranga,* neleki wan mankaw fu a sabana.*Mi o lobi nyun oli gi mi skin.
11 Mi o prisiri te mi si nanga mi eigi ai san psa nanga den feanti fu mi.Nanga mi eigi yesi mi o yere fa den sma di e feti nanga mi lasi a strei.
12 Ma den ret’ati sma o de leki palmbon di e gi bromki.Den o gro kon bigi leki den sedrebon na Libanon.
13 Den de leki bon di prani na ini na oso fu Yehovah.Den e gi bromki na ini den dyari lontu na oso fu wi Gado.
14 Srefi te den kon owru,* den o tan gro bun.Ala ten den o abi krakti* èn den o moi.
15 Den o ferteri sma taki Yehovah e du sani na wan reti fasi.
En na mi Stonbergi. Ala ten a e du san reti.
