Psalm 98:1-9
-
Yehovah na wi Ferlusuman èn a e krutu sani na wan reti fasi
-
Yehovah meki sma kon sabi taki a man ferlusu den (2, 3)
-
Wan singi.
98 Un singi wan nyun singi gi Yehovah,bika a du bigi sani.
Nanga en ret’anu, iya, nanga en santa anu a ferlusu sma.*
2 Yehovah meki sma kon sabi taki a man ferlusu den.A sori den pipel fu grontapu taki en na wan Gado fu retidu.
3 A no fergiti taki a ben o sori den bakapkin fu Israel bun-ati èn taki a ben o du ala ten san a pramisi den.
Heri grontapu si fa a Gado fu wi e ferlusu sma.*
4 Un pipel fu grontapu, bari fu prisiri gi Yehovah.
Un musu breiti, un musu bari fu prisiri èn singi prèisesingi.*
5 Prei harpu èn singi prèisesingi* gi Yehovah.Iya, prei harpu èn singi gi en.
6 Bro trompet nanga tutuèn bari fu prisiri gi Yehovah di de Kownu.
7 Meki a se nanga ala den sani di de na ini bari leki dondruèn meki grontapu nanga ala den sma di e libi na tapu bari leki dondru.
8 Meki den liba naki anu.Meki ala den bergi bari fu prisiri
9 na fesi Yehovah, fu di a e kon* fu krutu grontapu.
Nanga retidu a o krutu grontapu.Na wan reti fasi a o krutu den pipel fu grontapu.
