Go long ol haf insaed long hem

Go long lis blong ol haf

Fastok Blong Haf 14

Fastok Blong Haf 14

Ol fas Kristin oli talemaot gud nius long olgeta ples long wol. Jisas i talem long olgeta weples oli mas prij mo hem i mekem wan merikel, blong oli save tijim ol man long prapa lanwis blong olgeta. Jehova i mekem se oli no fraet, mo i givim paoa long olgeta blong oli stanap strong taem ol man oli agensem olgeta.

Long wan vison we Jisas i soemaot long aposol Jon, hem i luk bigfala laet we i saenaot long Jehova. Long wan narafala vison, Jon i luk we Kingdom long heven i winim Setan mo i spolem rul blong hem blong olwe. Jon i luk Jisas we i stap rul olsem King wetem ol 144,000  narafala man. Mo tu, Jon i luk we fulwol i kam wan paradaes, olgeta man oli gat pis, mo oli joen gud blong wosipim Jehova.

LONG HAF YA

STORI 94

Ol Disaepol Oli Kasem Tabu Spirit

?Tabu spirit i givim wanem paoa long olgeta?

STORI 95

I No Gat Wan Samting i Save Blokem Olgeta

Ol lida blong skul we oli kilim Jisas i ded oli traem stopem wok blong ol disaepol. Be oli no save mekem.

STORI 96

Jisas i Jusumaot Sol

Sol i wan rabis enemi blong ol Kristin, be samting ya i jenis.

STORI 97

Konilias i Kasem Tabu Spirit

?From wanem God i sanem Pita i go long haos blong man ya, we i no wan man Jiu?

STORI 98

Kristin Skul i Kasem Plante Kantri

Aposol Pol mo ol misinari fren blong hem oli statem wok ya blong prij long ol defdefren kantri.

STORI 99

Gad Blong Kalabus i Kam Wan Kristin

?Olsem wanem rabis spirit, graon i seksek, mo wan naef blong faet i joen long stori ya?

STORI 100

Pol Mo Timoti

Tufala i wok tugeta mo fren gud blong plante yia.

STORI 101

Oli Sanem Pol i Go Long Rom

Trip ya i denja tumas, be i no gat trabol we i naf blong stopem aposol ya.

STORI 102

Jon i Raetem Buk Blong Revelesen

Jisas i givim plante vison long Jon long saed blong fiuja.

STORI 103

“Yu Mekem Kingdom Blong Yu i Kam”

Revelesen we Jon i raetem, i soemaot olsem wanem laef bambae i jenis long wol ya.