Fastok Blong Haf 10
Jehova i King, hem i rul antap long olgeta samting. Stat long taem bifo, hem i soemaot se hem i gat olgeta paoa, mo bambae i stap olsem blong olwe. Traem tingbaot: Hem i sevem Jeremaea taem oli sakem hem long wan wel blong i ded. Jehova i sevem Sadrak, Mesak, mo Abednego, oli aot long bigfala faea, mo i satem maot blong ol laeon blong oli no kakae Daniel. Jehova i protektem Esta tu, blong Esta i save sevem ol man ples blong hem. Jehova i no save letem ol nogud fasin oli gohed blong olwe. Profet tok blong bigfala statiu mo bigfala tri oli olsem wan promes se i no longtaem, Kingdom blong Jehova bambae i spolem ol nogud fasin, mo bambae i rulum wol.
LONG HAF YA
STORI 57
Jehova i Sanem Jeremaea i Go Prij
Samting we yangfala profet ya i talem i mekem ol elda blong Juda oli kros tumas
STORI 58
Ol Ami Oli Spolem Jerusalem
Ol man Juda oli stap gohed blong wosipim ol giaman god, taswe Jehova i lego olgeta.
STORI 59
Fo Boe We Oli Obei Long Jehova
Fofala boe blong Juda oli gat strong tingting blong obei long Jehova nating se oli stap long haos blong king blong Babilon.
STORI 60
Kingdom We Bambae i Stap Olwe
Daniel i eksplenem mining blong drim blong Nebukadnesa we i narakaen.
STORI 61
Trifala i No Bodaon Long Aedol
Sadrak, Mesak, mo Abednego oli no wantem wosipim aedol blong gol we king i wokem.
STORI 63
Raeting i Kamaot Long Wol
?Wetaem raeting ya i kamaot long wol, mo wanem mining blong ol tok ya?
STORI 64
Oli Sakem Daniel i Go Long Hol Blong Ol Laeon
!Yumi mas prea long Jehova evri dei, olsem Daniel!
STORI 65
Esta i Sevem Ol Man Isrel
Hem i no gat papa mo mama be hem i kam kwin, nating se hem i no blong kantri ya.
STORI 66
Esra i Tijim Ol Man Long Loa Blong God
Afta we ol man Isrel oli lesin long Esra, oli mekem wan strong promes long God.
STORI 67
Stonwol Blong Jerusalem
Nehemaea i harem nius se ol enemi oli stap mekem plan blong kam faet agensem olgeta. ?From wanem hem i no fraet?
