Fastok Blong Haf 1
Fastaem, Baebol i tokbaot ol naesfala samting we Jehova i mekem long heven mo long wol. Sipos yu gat pikinini, i gud yu givhan long hem blong i luksave olsem wanem ol samting we Jehova i wokem oli defdefren. Yu mekem hem i tingbaot se God i wokem ol man blong oli hae moa long ol anamol, taswe oli naf blong toktok, tingting, wokem ol niufala samting, singsing, mo prea. Yu soemaot se Jehova i gat paoa, i waes, mo i lavem yumi evriwan.
LONG HAF YA
STORI 1
God i Mekem Heven Mo Wol
Baebol i talem se God i mekem heven mo wol. ?Be yu save wanem enjel we hem i mekem fastaem long evri samting?
STORI 2
God i Wokem Fas Man Mo Woman
God i wokem fas man mo woman nao i putum tufala long garen blong Iden. Hem i wantem se tufala i gat pikinini mo mekem fulwol i kam paradaes.