Lipesaleme 8:1-9

  • Khanya ea Molimo le ho hlompheha ha batho

    • “Lebitso la hao le hlompheha haholo” (1, 9)

    • ‘Motho ke’ng hore u mo nke e le oa bohlokoa?’ (4)

    • U entse hore motho a hlomphehe (5)

Ho motsamaisi oa Gitithe.* Pina ea Davida. 8  Jehova Morena oa rona, lebitso la hao le hlompheha haholo lefatšeng lohle. U behile khanya ea hao ka holimo ho maholimo.*+  2  U bontša matla a hao ka mantsoe a tsoang ho bana le masea+E le hore sera sa hao se khopo le se u hanyetsangSe se ke sa khona ho bua letho.  3  Ha ke bona maholimo a hao, mesebetsi ea matsoho a hao,*Khoeli le linaleli tseo u li entseng,+  4  Motho ke’ng hore u ’ne u mo hopoleLe mora motho ke’ng hore u mo hlokomele?+  5  U mo entse ea tlasana ho mangeloi,*Oa mo fa khanya le ho hlompheha.  6  U mo file matla a ho laola lintho tseo u li bopileng.*+ U behile lintho tsohle tlas’a taolo ea hae:  7  Linku, lipoli le likhomo tsohleHammoho le liphoofolo tse hlaha,*+  8  Linonyana tse sepakapakeng le litlhapi tse leoatleng,Lintho tsohle tse phelang maoatleng.  9  Jehova Morena oa rona, lebitso la hao le hlompheha haholo lefatšeng lohle.

Linaletsana

^ Kapa mohlomong: “Uena eo ho buuoang ka khanya ea hao ka holim’a maholimo.”
^ Ka Seheberu: “menoana ea hao.”
^ Kapa: “ho ba joaloka melimo.”
^ Ka Seheberu: “ho laola mesebetsi ea matsoho a hao.”
^ Ka Seheberu: “libata tsa naha.”

Litokelo tsa molao tsa sengoloa