Lipesaleme 25:1-22
Pesaleme ea Davida.
א [Aleph]
25 Ke tla ho uena, Jehova.
ב [Beth]
2 Molimo oa ka, ke tšepile uena.+
U se ke oa lumella hore ke hlajoe ke lihlong.+
U se ke oa lumella lira tsa ka hore li thabe ka lebaka la matšoenyeho a ka.+
ג [Gimel]
3 Batho bohle ba u tšepileng ba ke ke ba hlajoa ke lihlong+Empa ba rerelang ba bang bolotsana ke bona ba tla hlajoa ke lihlong.+
ד [Daleth]
4 Ntsebise litsela tsa hao, Jehova.+
Nthute litsela tsa hao.+
ה [He]
5 Ntsamaise tseleng ea hao ea ’nete ’me u nthute+Hobane u Molimo oa ka ea mpholosang.
ו [Waw]
Ke tšepile uena kamehla.
ז [Zayin]
6 Jehova, hopola mohau oa hao le lerato la hao,+Tseo esale u li bontša batho ba hao.*+
ח [Heth]
7 U se ke oa hopola libe tsa bocheng ba ka le liphoso tsa ka.
U nkhopole ka lebaka la lerato* la hao,+Ka lebaka la molemo oa hao hle Jehova.+
ט [Teth]
8 Jehova o molemo ebile o lokile.+
Ke ka lebaka leo a rutang baetsalibe hore na ba phele joang.+
י [Yod]
9 O tla tataisa ba bonolo hore ba etse se lokileng,+A rute ba bonolo tsela ea hae.+
כ [Kaph]
10 Litsela tsohle tsa Jehova li bontša hore o lerato* ebile o tšepahallaBa bolokang selekane+ sa hae le likhopotso tsa hae.+
ל [Lamed]
11 Ka lebaka la lebitso la hao hle Jehova,+Tšoarela phoso ea ka le hoja e le kholo.
מ [Mem]
12 Ke mang ea tšabang Jehova?+
O tla mo rupela hore a tsebe tsela eo a lokelang ho e khetha.+
נ [Nun]
13 O tla ba le lintho tse molemo,+Litloholo* tsa hae li tla lula lefatšeng.+
ס [Samekh]
14 Jehova ke motsoalle oa ba mo tšabang,+O ba tsebisa selekane sa hae.+
ע [Ayin]
15 Ke lula ke tšepile Jehova hore a nthuse.+
O tla tšoasolla maoto a ka lerabeng.*+
פ [Pe]
16 Nchebe ’me u nkhauheleHobane ke mong ebile ha ho na ea nthusang.
צ [Tsade]
17 Lintho tse tšoenyang pelo ea ka li eketsehile.+
Ntokolle mahlomoleng a ka.
ר [Resh]
18 Bona ho hlopheha ha ka le mathata a ka,+U tšoarele libe tsohle tsa ka.+
19 Bona kamoo lira tsa ka li leng ngata kateng.
Li ntlhoile hoo li batlang ho ntematsa.
ש [Shin]
20 Lebela bophelo ba ka ’me u mpholose.+
U se ke oa ntlohela hore ke hlajoe ke lihlong hobane ke balehetse ho uena.
ת [Taw]
21 E se eka nka sireletsoa hobane kea tšepahala ebile ke etsa lintho tse lokileng.+
Ke tšepile uena.+
22 Molimo oa ka, pholosa Iseraele mahlomoleng ’ohle a hae.
Linaletsana
^ Kapa: “ho tloha mehleng ea khale.”
^ Kapa: “lerato le tšepahalang.” Sheba Tlhaloso.
^ Kapa: “o na le lerato le tšepahalang.” Sheba Tlhaloso.
^ Ka Seheberu: “peo.”
^ Ka Seheberu: “letlooeng.”
