Lipesaleme 77:1-20
Ho motsamaisi oa Jeduthune.* Pesaleme ea Asafe.+ Pina.
77 Ke tla hoeletsa Molimo ka lentsoe la ka.
Ke tla hoeletsa Molimo ’me o tla nkutloa.+
2 Ha ke le matšoenyehong ke batla thuso ho Jehova.+
Ke otlollela matsoho a ka ho eena bosiu ke sa khaotse.
Ha ke tšelisehe.
3 Ha ke hopola mesebetsi ea Molimo, kea mo hloloheloa.+
Ke khathatsehile ebile ke felloa ke matla.+ (Selah)
4 U etsa hore ke lule ke butse mahlo.
Ke tšoenyehile ebile ha ke khone ho bua.
5 Ke nahanne ka matsatsi a khale,+Ka lilemo tsa khale haholo.
6 Bosiu ke hopola pina ea ka.*+
Kea nahanisisa.+
Kea batlisisa.
7 Na Jehova o tla re lahla ka ho sa feleng?+
Na a ke ke a hlola a re hauhela?+
8 Na lerato la hae le felile ka ho sa feleng?
Na ha ho na moloko o tla bona ha tšepiso ea hae e phethahala?
9 Na Molimo o lebetse ho ba mohau?+
Na bohale ba hae bo entse hore mohau oa hae o fele? (Selah)
10 Na ke tla lula ke ntse ke re: “Ena ke eona ntho e ntšoenyang:*+
Ea Phahameng ka ho Fetisisa o re fetohetse”?
11 Ke tla hopola mesebetsi ea Jah.
Ke tla hopola liketso tsa hao tse hlollang tseo u ileng oa li etsa khale.
12 Ke tla nahanisisa ka mesebetsi eohle ea haoKe be ke nahanisise ka lintho tseo u li etsang.+
13 Molimo, litsela tsa hao lia halalela.
Molimo, ke molimo ofe e moholo joaloka uena?+
14 U Molimo oa ’nete, ea etsang lintho tse hlollang.+
U bontšitse batho matla a hao.+
15 U pholositse* batho ba hao ka matla* a hao,+Bara ba Jakobo le ba Josefa. (Selah)
16 Molimo, metsi a u bone.
Metsi a u bone eaba aa ferekana.+
Metsi a tebileng a ile a tsukutleha.
17 Maru a nesitse pula.
Maholimo a thoathoaretsa,Lehalima la hao la phatsima hohle joaloka metsu.+
18 Molumo oa sealuma+ sa hao o ne o le joaloka mabili a koloi ea ntoa.
Ho benya ha lehalima ho ile ha khantša lefatše.+
Lefatše le ile la tsukutleha le ho reketla.+
19 Tsela ea hao e ne e feta leoatleng,+E feta metsing a mangata.
Empa mehato ea hao e ne e sa bonahale.
20 U ile oa etella batho ba hao pele joaloka mohlape,+O sebelisa* Moshe le Arone.+
