Lipesaleme 64:1-10
-
Ho sireletsoa litlhaselong tse patehileng
-
“Molimo o tla ba hlaba” (7)
-
Ho motsamaisi. Pina ea Davida.
64 Ke tšoenyehile hle Molimo, ke kopa u nkutloe.+
Sireletsa bophelo ba ka ha sera se ntlhasela.
2 Ntšireletse mererong e patehileng ea ba khopo+Le ho bongata bo etsang lintho tse mpe.
3 Ba leotsa maleme a bona joaloka sabole.
Ba itokisetsa ho lahlela mantsoe a bohloko joaloka metsu
4 Hore ba hlabe ea se nang molato ba le moo ba ipatileng teng.
Ba mo hlaba a sa lebella, ba sa tšabe letho.
5 Ba khomarela merero ea bona e khopo.*
Ba buisana ka hore na ba pate maraba a bona joang.
Ba re: “Ha ho na motho ea tla a bona.”+
6 Ba batlana le litsela tse ncha tsa ho etsa lintho tse mpe.
Ba loha maqheka ka bohlale ba ipatile.+
Lintho tseo ba li nahanang li tebile.
7 Empa Molimo o tla ba hlaba.+
Ba tla lematsoa ke motsu ka tšohanyetso.
8 Lintho tseo ba li buang li tla etsa hore ba felisoe.+
Bohle ba ba shebileng ba tla sisinya lihlooho.
9 Batho bohle ba tla tšoha,Ba tla phatlalatsa lintho tseo Molimo a li entsengEbile ba tla utloisisa liketso tsa hae.+
10 Ea lokileng o tla thaba ka lebaka la Jehova ’me a balehele ho eena.+
Batho bohle ba lipelo li lokileng ba tla thaba.*
