Lipesaleme 91:1-16
91 Mang kapa mang ea lulang sebakeng se patehileng sa Ea Phahameng ka ho Fetisisa+O tla lula tlas’a moriti oa Ea Matla Ohle.+
2 Ke tla re ho Jehova: “U setšabelo sa ka le sebaka sa ka se sireletsehileng,+Molimo oa ka eo ke mo tšepileng.”+
3 O tla u pholosa lerabeng la ea tšoasang linonyana,A u sireletse lefung la seoa.
4 O tla u koahela ka mapheo a hae,*U tla balehela tlas’a mapheo a hae.+
Botšepehi ba hae+ e tla ba thebe e kholo+ le lerako le sireletsang.
5 U ke ke oa tšoha lintho tse tšosang bosiu+Kapa motsu o fofang motšehare+
6 Kapa lefu la seoa le hlaselang bosiuKapa koluoa e bakang tšenyo motšehare.
7 Batho ba sekete ba tla oa ka lehlakoreng la hao,Ba likete tse leshome ba oe ka letsohong la hao le letonaEmpa uena lintho tsena li ke ke tsa u etsahalla.+
8 U tla li bona feela ka mahloHa u bona ba khopo ba fuoa kotlo.
9 Kaha u itse: “Jehova ke setšabelo sa ka,”U entse Ea Phahameng ka ho Fetisisa sebaka sa hao sa bolulo.*+
10 Ha ho na tlokotsi e tla u hlahela+Ebile ha ho na ntho e mpe e tla atamela tenteng ea hao.
11 Molimo o tla romela mangeloi+ a hae ho uenaHore a u lebele litseleng tsohle tsa hao.+
12 A tla u jara ka matsoho+E le hore leoto la hao le se ke la khoptjoa ke lejoe.+
13 U tla hata taoana le noha ea masumu.
U tla hatakela tau e matla le noha e kholo.+
14 Molimo o itse: “Ke tla mo pholosa hobane oa nthata.+
Ke tla mo sireletsa hobane o tseba lebitso la ka.+
15 O tla mpitsa ’me ke tla mo araba.+
Ke tla ba le eena ha a le mahlomoleng.+
Ke tla mo pholosa ke be ke mo tlotlise.
16 Ke tla mo hlohonolofatsa ka bophelo bo bolelele,+Ke mo bontše kamoo ke tla mo pholosa kateng.”+
