Lipesaleme 71:1-24
71 Ke balehetse ho uena Jehova.
E se eka nke ke ka hlajoa ke lihlong.+
2 Mpholose hobane u lokile.
’Mamele* ’me u mpholose.+
3 E-ba sebaka sa ka se sireletsehilengSeo nka ipatang ho sona kamehla.
Laela hore ke pholosoeHobane u lefika la ka le sebaka sa ka se sireletsehileng.+
4 Molimo, mpholose matsohong a ea khopo,+Matsohong a ea nkhatellang.
5 U tšepo ea ka, Jehova ’Musi oa Lintho Tsohle.
Esale ke u tšepile ho tloha bocheng.+
6 Esale ke itšetlehile ka uena ho tloha ha ke tsoaloa.
Ke ntšitsoe ke uena ka popelong ea ’mè oa ka.+
Ke u rorisa kamehla.
7 Batho ba bangata ba ile ba makala ha ba bona lintho tse nketsahaletsengLeha ho le joalo, u setšabelo sa ka se matla.
8 Molomo oa ka o lula o u rorisa.+
Ke bua ka bokhabane ba hao letsatsi lohle.
9 U se ke oa ntahla botsofaling ba ka.+
U se ke oa ntlohela ha matla a ka a fela.+
10 Lira tsa ka li bua hampe ka ’na,Ba batlang ho mpolaea ba rera lintho tse mpe ka ’na,+
11 Ba re: “Molimo o mo lahlile.
Mo lelekiseng, le mo tšoare hobane ha ho na motho ea tla mo pholosa.”+
12 Molimo, u se ke oa ba hole le ’na.
Molimo oa ka, potlaka u tl’o nthusa.+
13 E se eka ba nkhanyetsangBa ka hlajoa ke lihlong ’me ba felisoe.+
E se eka ba lakatsang hore ke hlaheloe ke lintho tse mpeBa ka hlajoa ke lihlong ba be ba tlotlollehe.+
14 Ha e le ’na, ke tla lula ke letile.
Ke tla u rorisa ho feta pele.
15 Molomo oa ka o tla bua ka liketso tsa hao tse lokileng letsatsi lohle+Le ka lintho tseo u li entseng ho re pholosa,Le hoja li le ngata haholo hore nka li utloisisa.*+
16 Ke tla tla ’me ke bue ka matla a hao,Jehova ’Musi oa Lintho Tsohle.
Ke tla bua ka liketso tsa hao tse lokileng, tsa hao feela.
17 Molimo, u nthutile ho tloha ke sa le mocha,+Le kajeno ke ntse ke bua ka mesebetsi ea hao e hlollang.+
18 Molimo, u se ke oa ntahla ha ke se ke tsofetse ebile moriri oa ka o le moputsoa.+
E-re ke bue ka matla* a hao ho moloko o tlangLe ka bonatla ba hao ho bohle ba tlang.+
19 Molimo, liketso tsa hao tse lokileng li fihla libakeng tse phahameng.+
U entse lintho tse kholo.
Molimo, ke mang ea tšoanang le uena?+
20 Le hoja u entse hore ke be le mahlomola le litlokotsi tse ngata,+Mphe matla hape.
’Nyolle botebong* ba lefatše.+
21 E se eka u ka khutlisa seriti sa ka,U ntšireletse ’me u ntšelise.
22 Ke tla u rorisa ka seletsa se likhoeleHobane oa tšepahala Molimo oa ka.+
Ke tla u binela lipina* tsa lithoriso ka harepa,Mohalaleli oa Iseraele.
23 Molomo oa ka o tla hoeletsa ka thabo ha ke u binela lithoriso+Hobane u mpholositse.+
24 Ke tla bua* ka liketso tsa hao tse lokileng letsatsi lohle.+
Ba batlang ho mphelisa ba tla hlajoa ke lihlong ’me ba tlotlollehe.+
Linaletsana
^ Kapa: “Inamela tlase u ntšekehele tsebe.”
^ Kapa: “li bala.”
^ Ka Seheberu: “letsoho.”
^ Kapa: “metsing a tebileng.”
^ Kapa: “u letsetsa ’mino.”
^ Kapa: “nahanisisa.”
