Lipesaleme 76:1-12
Ho motsamaisi. E binoe ka liletsa tse likhoele. Pesaleme ea Asafe.+ Pina.
76 Molimo oa tsebahala Juda.+
Lebitso la hae le leholo Iseraele.+
2 Sebaka sa hae se sireletsehileng se Saleme,+O lula Sione.+
3 O robile metsu e tukang ea seqha moo,A roba thebe, sabole le libetsa tsa ntoa.+ (Selah)
4 O koahetsoe ke khanya.
O moholo ho feta lithaba tseo libata li lulang ho tsona.
5 Ba sebete ba nketsoe thepa.+
Ba shoele.*
Banna ba matla ba ne ba sa khone ho itoanela.+
6 Ka lebaka la khalemelo ea hao Molimo oa Jakobo,Mokhanni oa koloi ea ntoa o shoele le pere e shoele.*+
7 Uena u le mong oa hlolla.+
Ke mang ea ka emang ka pel’a hao ha u halefile haholo?+
8 U phatlalalitse kahlolo u le leholimong.+
Lefatše le ne le tšohile le bile le khutsitse+
9 Ha Molimo a ema hore a ahloleLe ho pholosa bohle ba bonolo lefatšeng.+ (Selah)
10 Bohale ba batho bo tla etsa hore u rorisoe.+
Ha batho ba ntse ba halefile, seo se tla etsa hore u halaletsoe.
11 Etsang likano ho Jehova Molimo oa lona ’me le li phethe,+Bohle ba mo potolohileng ba ke ba tlise limpho tsa bona ba tšohile.+
12 O tla kokobetsa baeta-pele ba ikhohomosang.
O etsa hore marena a lefatše a tšohe.
