Re u Memela
Sehopotsong sa Lefu la Jesu
Ka Labone la la 2 April 2026
Re u memela liketsahalong tse peli tse sa lefelloeng
Puo e Khethehileng
“Ke Mang ea Tla Lokisa Lefatše?”
U tla ithuta kamoo lefatše le tla lokisoa kateng le ka bokamoso bo thabisang boo batho ba tla ba le bona.
Sehopotso sa Lefu la Jesu
Ketsahalong ena ea bohlokoa, Lipaki Tsa Jehova li ikhopotsa lefu la Jesu joalokaha a laetse.—Luka 22:19.
Lipotso Tse Botsoang Hangata
Ke bo-mang ba ka tlang?
Batho bohle ba amohelehile. U ka tla le lelapa la hao.
Puo e khethehileng le Sehopotso li tla nka nako e kae?
Puo e khethehileng e tla nka metsotso e 30. E tla lateloa ke puisano e nkang hora ea lipotso le likarabo e thehiloeng ka Bibeleng.
Sehopotso se tla nka nako e ka etsang hora.
Liketsahalo tsena li tla tšoareloa hokae?
Hore u fumane sebaka seo u ka eang ho sona, kena ho “Fumana Moo u ka Eang Sehopotsong” kapa “Fumana Moo u ka Eang Puong e Khethehileng.”
Na ke se ke lokela ho ba e mong oa lona haeba ke tla?
Che.
Na ho tl’o ntšoa koleke?
Che. Ha re ntše koleke libokeng tsa rona.—Matheu 10:8.
Ho aparoa joang?
Lipaki Tsa Jehova ha li na mokhoa o khethehileng oa ho apara empa li leka ho apara ka tsela e hantle le e hlomphehang.
Ho etsahala’ng Sehopotsong?
Sehopotso se tla qaloa le ho koaloa ka pina le thapelo. Thapelo e tla etsoa ke Paki ea Jehova. Puo e tla fanoa e tla bontša hore na ke hobane’ng ha Jesu a ile a shoa. E tla boela e bontše hore na re rua molemo joang ho seo Molimo le Kreste ba re etselitseng sona.
Ho fumana lintlha tse ling, bala sehlooho se reng: “Ke Hobane’ng ha Lipaki Tsa Jehova li sa Keteke Lijo Tsa Shoalane Tsa Morena ka Tsela eo Malumeli a Mang a Etsang ka Eona?”
Sehopotso se tla ba ka letsatsi lefe lilemong tse tlang?
2026: Labone la la 2 April
2027: Mantaha oa la 22 March
2028: Sontaha sa la 9 April
Hore u ithute lintlha tse eketsehileng, shebella livideo tsena tse latelang.
Video ena e bontša hanyenyane kamoo Sehopotso se tšoaroang kateng le kamoo lefu la Jesu le etsang hore re be le bokamoso bo monate kateng.
Ke Hobane’ng ha Jesu a Ile a Shoa?
E ka ’na eaba u kile oa utloa hore Jesu o shoetse libe tsa rona. Na ke ntho e khonehang hore lefu la motho a le mong feela le tsoele batho ba limilione molemo?
Ho Etsahala’ng Holong ea ’Muso?
Shebella video ’me u bone.
Daonlouda memo ka mekhoa e fapaneng.