Lipesaleme 9:1-20
Ho motsamaisi oa Muthe-labene.* Pina ea Davida.
א [Aleph]
9 Ke tla u rorisa ka pelo ea ka eohle Jehova.
Ke tla bolella ba bang ka mesebetsi eohle ea hao e hlollang.+
2 Ke tla thaba ke be ke nyakalle ka lebaka la hao.
Ke tla binela lebitso la hao lithoriso,* Uena Ea Phahameng ka ho Fetisisa.+
ב [Beth]
3 Ha lira tsa ka li baleha,+Li tla khoptjoa li be li felisoe ka pel’a hao.
4 Oa ntoanela e le hore ke fumane toka.
U lula teroneng ea hao ’me u ahlola ka toka.+
ג [Gimel]
5 U khalemetse lichaba+ oa ba oa felisa ba khopo,U hlakotse mabitso a bona hore a se ke a hlola a e-ba teng ka ho sa feleng.
6 Lira li felisitsoe ka ho sa feleng.
U fothotse metse ea tsona,Ha li sa tla hlola li hopoloa.+
ה [He]
7 Jehova o lutse teroneng ka ho sa feleng.+
O lula a busa ’me kamehla o ahlola ka toka.+
8 O tla ahlola lefatše ka toka.+
O tla ahlola lichaba ka tsela e lokileng.+
ו [Waw]
9 Jehova e tla ba setšabelo se sireletsehileng* bakeng sa batho ba hateletsoeng.+
E tla ba setšabelo se sireletsehileng linakong tsa matšoenyeho.+
10 Ba tsebang lebitso la hao ba tla u tšepa.+
Jehova, le ka mohla u ke ke oa lahla ba u sebeletsang.+
ז [Zayin]
11 Binelang Jehova ea lulang Sione lithoriso.
Tsebisang lichaba liketso tsa hae.+
12 Molimo o tla hopola ba hlorisoang ’me a iphetetse ho ba ba bolaileng.+
A ke ke a lebala sello sa bona.+
ח [Heth]
13 Nkhauhele Jehova, bona kamoo ba ntlhoileng ba ntšotlang kateng,Uena ea mpholosang lefung*+
14 E le hore ke bue ka liketso tsa hao tse tšoaneloang ke thoriso likeiting tsa morali oa Sione,+Ke be ke thabe ka lebaka la tsela eo u pholosang ka eona.+
ט [Teth]
15 Lichaba li oetse ka sekoting seo li se chekileng.
Maoto a tsona a tšoasitsoe ke leraba leo li le patileng.+
16 Jehova o tsejoa ka kahlolo eo a fanang ka eona.+
Ea khopo o tšoasitsoe ke mosebetsi oa matsoho a hae.+
(Higaione.* Selah)
י [Yod]
17 Ba khopo ba tla ea Lebitleng*E leng lichaba tsohle tse lebalang Molimo.
18 Molimo a ke ke a lebala ba futsanehileng+Ebile tšepo ea ba bonolo e ke ke ea fela.+
כ [Kaph]
19 Etsa ho hong hle Jehova! U se ke oa lumella hore motho a hlole.
E se eka lichaba li ka ahloloa ka pel’a hao.+
20 Jehova, etsa hore li tšohe,+Etsa hore lichaba li tsebe hore ke batho feela. (Selah)
Linaletsana
^ Kapa: “letsa ’mino.”
^ Kapa: “sebaka se phahameng se sireletsehileng.”
^ Ka Seheberu: “likeiting tsa lefu.”
^ Kapa: “Sheole.” Sheba Tlhaloso.
