Lipesaleme 90:1-17
Thapelo ea Moshe, mohlanka oa Molimo oa ’nete.+
90 Jehova, u bile setšabelo*+ sa rona melokong eohle.
2 Pele lithaba li e-ba tengLe pele u bopa* lefatše le lintho tsohle tse ho lona,+Haesale u le Molimo, ha u na qalo ebile ha u na qetello.+
3 U khutlisetsa motho leroleng.
U re: “Khutlang, lona batho.”+
4 Lilemo tse sekete ho uena li tšoana feela le letsatsi la maobane,+Li joaloka lihora tse seng kae bosiu.
5 Oa ba felisa+ ’me ba nyamela joaloka toro.
Ba joaloka joang bo melang hoseng.+
6 Hoseng bo hlahisa lipalesa ebile boa nchafalaEmpa mantsiboea boa pona ebe boa omella.+
7 Re felisoa ke bohale ba hao+Ebile re tšosoa ke khalefo ea hao.
8 U tseba liphoso tsa rona.*+
Lintho tseo re li etsang sephiring, u li bona ka ho hlaka.+
9 Bophelo ba rona* boa fela hobane u re halefetseLe lilemo tsa rona li fela kapele joaloka phefumoloho.
10 Re phela lilemo tse 70Kapa tse 80+ haeba motho a le matla.
Empa li tletse mathata le matšoenyeho.
Li feta kapele ebe ha re sa le eo.+
11 Ke mang ea ka utloisisang matla a bohale ba hao?
Khalefo ea hao e kholo, e lekana le tsela eo re lokelang ho u tšaba ka eona.+
12 Re rute hore na re phele bophelo ba rona joang*+Hore re tle re be bohlale.
13 Re hauhele hape hle Jehova.+ Ho tla lula ho le tjee ho fihlela neng?+
Qenehela bahlanka ba hao.+
14 Re bontše lerato+ esale hoseng,E le hore re tle re lule re thabile+ ka matsatsi ’ohle a bophelo ba rona.
15 Re thabise ka matsatsi a lekanang le ao u re hlorisitseng ka ’ona+Le ka lilemo tse lekanang le tseo re ileng ra sotleha ka tsona.+
16 E se eka bahlanka ba hao ba ka bona mesebetsi ea hao,Le bara ba bona ba bone matla a hao a maholo.+
17 Jehova Molimo oa rona, e se eka u ka re hauhela,E se eka u ka atlehisa* mosebetsi oa rona.
U ke u atlehise mosebetsi oa rona.+
