Lipesaleme 135:1-21
135 Rorisang Jah!*
Rorisang lebitso la Jehova.
Lona bahlanka ba Jehova, mo roriseng,+
2 Lona ba sebetsang ka tlung ea Jehova,Mabaleng a ntlo ea Molimo oa rona.+
3 Rorisang Jah hobane Jehova o molemo.+
Binelang* lebitso la hae lipina tsa thoriso hobane ke ntho e ntle.
4 Jah o ikhethetse Jakobo,O ikhethetse Iseraele hore e be thepa ea hae e khethehileng.*+
5 Kea tseba hore Jehova o moholo.
Morena oa rona o moholo ho feta melimo e meng eohle.+
6 Jehova o etsa ntho e ’ngoe le e ’ngoe eo a batlang ho e etsa+Leholimong le lefatšeng, maoatleng le libakeng tsohle tse tebileng.
7 O etsa hore maru* a nyolohe ho tsoa likhutlong tsa lefatše.
O etsa lehalima* bakeng sa pula.
O bulela moea moo a o koaletseng teng.*+
8 O ile a bolaea matsibolo a batho le a liphoofolo Egepeta.+
9 A etsa lipontšo le mehlolo Egepeta,+A li etsa ho Faro le ho bahlanka bohle ba hae.+
10 O ile a bolaea lichaba tse ngata,+A bolaea le marena a matla+
11 E leng Sihone morena oa Baamore,+Oge morena oa Bashane+Le mebuso eohle ea Kanana.
12 A fana ka naha ea bona e le lefa,A e fa sechaba sa hae sa Iseraele.+
13 Jehova, lebitso la hao le lula le le teng.
Jehova, u tla lula u tumme* le melokong eohle e tlang.+
14 Jehova o tla loanela* batho ba hae,+O tla utloela bahlanka ba hae bohloko.+
15 Litšoantšo tseo lichaba li li rapelang li entsoe ka silevera le khauta,Li entsoe ke batho.+
16 Li na le melomo empa ha li bue.+
Li na le mahlo empa ha li bone.
17 Li na le litsebe empa ha li utloe.
Ebile ha li khone le ho hema.+
18 Batho ba li etsang ba tla tšoana le tsona+Le bohle ba li tšepang ba tla tšoana le tsona.+
19 Baiseraele, rorisang Jehova.
Rorisang Jehova lona ba lelapa la Arone.
20 Ba lelapa la Levi, rorisang Jehova.+
Rorisang Jehova lona ba tšabang Jehova.
21 E se eka Sione ho ka rorisoa Jehova+Ea lulang Jerusalema.+
Rorisang Jah!+
