Lipesaleme 148:1-14
148 Rorisang Jah!*
Rorisang Jehova le le leholimong.+
Mo roriseng le le libakeng tse phahameng.
2 Mo roriseng, lona mangeloi ’ohle a hae.+
Mo roriseng, lona lebotho lohle la hae.+
3 Mo roriseng, lona letsatsi le khoeli.
Mo roriseng, lona linaleli tsohle tse khanyang.+
4 Mo roriseng, lona maholimo a phahameng ka ho fetisisaLe lona maru a pula a leholimong.
5 Lintho tsena tsohle li ke li rorise lebitso la JehovaHobane o ile a laela hore li boptjoe ’me tsa e-ba teng.+
6 O entse hore li lule li le teng ka ho sa feleng.+
O fane ka molao o ke keng oa felloa ke nako.+
7 Rorisang Jehova lona ba lefatšeng,Lona liphoofolo tse kholo tsa leoatle le metsi ’ohle a tebileng,
8 Lona mahalima le sefako, lehloa le maru a teteaneng,Uena sefefo se phethahatsang lentsoe la hae,+
9 Lona lithaba le maralla ’ohle,+Lona lifate tsa litholoana le lifate tsohle tsa kedare,+
10 Lona liphoofolo tse hlaha+ le liphoofolo tsohle tse ruuoang,Lona liphoofolo tse hahabang le lona linonyana.
11 Mo roriseng, lona marena a lefatše le lichaba tsohle,Lona likhosana le baahloli bohle ba lefatše,+
12 Lona bahlankana le baroetsana,Lona maqheku le lona bacha.
13 Ba ke ba rorise lebitso la Jehova,Lebitso la hae ke lona feela le phahametseng mabitso a mang ’ohle.+
Ke eena ea hlomphehang ka ho fetisisa lefatšeng le leholimong.+
14 O tla ekeletsa batho ba hae matlaHore batho bohle ba hae ba tšepahalang ba rorisoe,E leng Baiseraele, sechaba se haufi le eena.
Rorisang Jah!*
