Lipesaleme 33:1-22
33 Hoeletsang le thabile ka lebaka la Jehova, lona ba lokileng.+
Ke ntho e loketseng hore ba lokileng ba mo rorise.
2 Rorisang* Jehova ka harepa.
Mo bineleng lithoriso ka seletsa se nang le likhoele tse leshome.
3 Mo bineleng pina e ncha.+
Bapalang liletsa tse likhoele hamonate, le ntse le hoeletsa le thabile.
4 Lentsoe la Jehova le lokile+Ebile re ka tšepa lintho tsohle tseo a li etsang.
5 O rata ho loka le toka.+
Lefatše le tletse lerato* la Jehova.+
6 Maholimo a ile a etsoa ka lentsoe la Jehova+Le lintho tsohle tse ho ’ona li entsoe ka moea* oa molomo oa hae.
7 O bokella metsi a leoatle joaloka letamo.+
O beha metsi a loebehlanang litorong.*
8 Lefatše lohle le ke le tšabe Jehova.+
E se eka baahi ba lefatše ba ka mo hlompha haholo.
9 O buile ’me ha e-ba joalo.+
O laetse ’me lintho tsa etsoa.+
10 Jehova o sentse merero ea lichaba.+
O thibetse merero ea batho hore e se ke ea atleha.+
11 Liqeto* tsa Jehova li tla ba teng ka ho sa feleng.+
Menahano ea pelo ea hae ha e fetohe ho tloha molokong o mong ho ea ho o mong.
12 Ho thaba sechaba seo Molimo oa sona e leng Jehova,+Batho bao a ba khethileng hore e be ba hae.+
13 Jehova o sheba fatše a le leholimong.
O bona bara bohle ba batho.+
14 O sheba ba lulang lefatšengA le sebakeng seo a lulang ho sona.
15 Ke eena ea bopang lipelo tsa bohle.
O hlahloba mesebetsi eohle ea bona.+
16 Morena ha a pholosoe ke ho ba le masole a mangata.+
Monna ea matla ha a pholosoe ke ho ba le matla a maholo.+
17 Pere e ke ke ea pholosa motho.*+
Matla a eona a maholo a ke ke a mo pholosa.
18 Leihlo la Jehova le shebile ba mo tšabang,+Ba emetseng hore a ba bontše hore oa ba rata,*
19 Hore a ba pholose lefungLe hore a ba boloke ba phela ha ho e-na le tlala.+
20 Re lebeletse hore Jehova a re thuse.
Ke mothusi oa rona le thebe ea rona.+
21 Lipelo tsa rona li thabile ka lebaka la haeKaha re tšepile lebitso la hae le halalelang.+
22 Jehova, e se eka u ka re bontša hore oa re rata*+Ha re ntse re u letetse.+
Linaletsana
^ Kapa: “Lebohang.”
^ Kapa: “lerato le tšepahalang.” Sheba Tlhaloso.
^ Kapa: “moea o halalelang.”
^ Kapa: “matlong a polokelo.”
^ Kapa: “Likeletso.”
^ Kapa: “ea etsa hore motho a hlole.”
^ Kapa: “lerato le tšepahalang.” Sheba Tlhaloso.
^ Kapa: “lerato le tšepahalang.” Sheba Tlhaloso.
