Lipesaleme 7:1-17
-
Jehova ke Moahloli ea lokileng
-
“Nkahlole hle Jehova” (8)
-
Koli-ea-malla* ea Davida eo a ileng a e binela Jehova ka lebaka la mantsoe a Kushe oa Mobenjamine.
7 Jehova Molimo oa ka, ke balehetse ho uena.+
Mpholose ho bohle ba ntlhorisang.+
2 Ho seng joalo ba tla nkhaola likoto joalokaha tau e etsa,+Ba tsamaee ka ’na ho se ea mpholosang.
3 Jehova Molimo oa ka haeba ho e-na le phoso eo ke e entseng,Haeba ha kea etsa lintho ka toka,
4 Haeba ke foselitse motho ea nketsetsang lintho tse molemo+Kapa haeba ke hapile thepa ea sera sa ka ntle ho lebaka,*
5 Sera se ke se ntelekise ’me se ntšoare.
Se ke se hatakele bophelo ba ka fatše,Se etse hore khanya ea ka e felle leroleng. (Selah)
6 Nthuse hle Jehova, ho bontša hore u halefile.
Hanyetsa lira tsa ka tse halefileng.+
Ema, u nthuse, u laele hore lintho li etsoe ka toka.+
7 Lichaba li ke li u pota-pote,U li ahlole u le sebakeng se phahameng.
8 Jehova o tla ahlola batho.+
Nkahlole hle Jehova, u bone hore na ke lokileLe hore na kea tšepahala.+
9 Ka kopo, felisa liketso tse mpe tsa ba khopo.
Empa u sireletse ba lokileng+Hobane u Molimo ea lokileng,+ ea hlahlobang lipelo+ le maikutlo a ka hare-hare.*+
10 Molimo ke thebe ea ka,+ Mopholosi oa ba lipelo li lokileng.+
11 Molimo ke Moahloli ea lokileng+Ebile o bolela likahlolo tsa hae letsatsi le letsatsi.
12 Haeba motho leha e le ofe a sa bake,+ Molimo o leotsa sabole ea hae.+
O koba seqha sa hae ’me o se lokisetsa ho betsa.+
13 O lokisa libetsa tsa hae tse bolaeang.
O lokisa metsu ea hae e tukang.+
14 Bonang motho ea immeng bokhopo.
O emola mathata ’me o tsoala leshano.+
15 O cheka sekoti ’me o etsa hore se tebeEmpa o oela ka har’a sekoti sona seo a se chekileng.+
16 Mathata ao a a bakang a tla khutlela ho eena,+Lintho tse sehloho tseo a li etsang li tla khutlela ho eena.
17 Ke tla rorisa Jehova hobane o na le toka.+
Ke tla binela* lebitso la Jehova+ ea Phahameng ka ho Fetisisa+ lipina tsa thoriso.
