Lipesaleme 21:1-13
Ho motsamaisi. Pina ea Davida.
21 Jehova, morena o thabisoa ke matla a hao.+
O thaba haholo hobane oa mo pholosa.+
2 U mo file seo pelo ea hae e se lakatsang+Ebile ha oa mo hanela ka lintho tseo a li kopileng. (Selah)
3 U mo fa litlhohonolofatso tse ngata.
U mo roesa korone ea khauta e hloekisitsoeng.+
4 O u kopile bophelo ’me oa mo fa bona,+Oa mo fa bophelo bo bolelele ka ho sa feleng.
5 O hlomphuoa haholo hobane oa mo pholosa.+
U mo fa seriti le bokhabane.
6 U mo hlohonolofatsa ka ho sa feleng.+
U etsa hore a thabe hobane u na le eena.+
7 Morena o tšepa Jehova.+
A ke ke a sisinngoa le ka mohla, ka lebaka la lerato* la ea Phahameng ka ho Fetisisa.+
8 Letsoho la hao le tla tšoara lira tsohle tsa hao.
Letsoho la hao le letona le tla tšoara ba u hloileng.
9 Ha u tla u tl’o ba hlahloba ka nako eo u e behileng, u tla ba felisa joalokaha eka u ba lahlela mollong.
Jehova o tla ba koenya a halefile ’me mollo o tla ba felisa.+
10 U tla felisa litloholo* tsa bona lefatšeng,U felise bana ba bona har’a batho.
11 Ba ne ba u reretse lintho tse mpe.+
Ba lohile mano a ke keng a atleha.+
12 U tla etsa hore ba balehe+Ka ho ba supa ka seqha.*
13 Etsa ho hong hle Jehova ’me u bontše matla a hao.
Re tla u binela lithoriso ka lebaka la matla a hao.
Linaletsana
^ Kapa: “lerato le tšepahalang.” Sheba Tlhaloso.
^ Ka Seheberu: “litholoana.”
^ Ka Seheberu: “likhoele tsa seqha.”
