Jobi 40:1-24
40 Jehovai i tha akoma Jobit:
2 «A duhet të hahet me të Plotfuqishmin+ ai që kapet pas kleçkave?Le të përgjigjet ai që e qorton Perëndinë.»+
3 Jobi i tha Jehovait:
4 «E pra, unë jam fare i papërfillshëm.+Ç’të të përgjigjem?!Po e mbyll gojën.*+
5 Një herë fola dhe nuk do të përgjigjem më;madje dy herë, dhe s’do të shtoj më asgjë.»
6 Jehovai i foli Jobit nga stuhia:+
7 «E pra, tani, ngjishe rrobën në ijë po të jesh burrë,+dhe unë do të të pyes e ti m’u përgjigj.+
8 Vallë, ti do ta hedhësh poshtë drejtësinë time?Mos vallë do të më shpallësh mua fajtor që të dalësh vetë i drejtë?+
9 A thua krahu yt është si ai i Perëndisë së vërtetë?+A mund të gjëmojë zëri yt si zëri i tij?+
10 E pra, stolisu me epërsi+ e madhështi;+vishu me lavdi+ e shkëlqim.+
11 Zbraze vërshimin e zemërimit tënd të furishëm,+shihe çdo fodull dhe përule.
12 Po, shihe çdo fodull dhe poshtëroje;+shtypi të ligjtë ku të jenë.
13 Fshihi të gjithë bashkë në dhé,+dhe mbylli në vend të fshehtë.
14 E pra, unë vetë do të të lavdëroj,sepse dora jote e djathtë mund të të shpëtojë.
15 Ja, behemothin* e kam bërë unë, ashtu si edhe ty.Ai ha bar të gjelbër+ njësoj si demi.
16 Fuqia e tij qëndron tek ijët,dhe forca e tij e madhe+ te muskujt e barkut.
17 E luan bishtin si cedër.Muskujt e kofshëve i thuren bashkë.
18 Eshtrat e tij janë si tuba bakri,kockat e tij të forta si shufra hekuri të farkëtuar.
19 Ai është fillimi i udhëve të Perëndisë.Vetëm Bërësi i vet+ mund t’i afrohet me shpatë.
20 Malet i japin ushqim;+atje lodrojnë tërë egërsirat.
21 Shtrihet nën xinxifeose në kallamishte+ e këneta.+
22 Xinxifet e mbulojnë me hijen e tyre,plepat e luginave të përrenjve e rrethojnë.
23 Edhe sikur të vërshonte lumi, ai nuk do t’ia mbathte në panik.Edhe sikur Jordani+ t’i sulej në gojë, ai do të ishte i sigurt.
24 A mund t’i dalë kush para e ta kapë?A mund t’ia shpojë kush hundën me grremç?
