Jobi 32:1-22
32 Kështu ata të tre nuk i kthyen më përgjigje, se Jobi ishte i drejtë në sytë e vet.+
2 Mirëpo Elihut, birit të Barakelit, buzitit,+ nga familja e Ramit, iu ndez zemërimi. Iu ndez kundër Jobit, se e shpalli veten më të drejtë se Perëndia.+
3 Iu ndez edhe kundër tre shokëve të tij, sepse nuk kishin ditur t’i përgjigjeshin, përkundrazi, kishin bërë fajtor Perëndinë.+
4 Elihu kishte ç’t’i thoshte Jobit, por priti të mbaronin ata që ishin më të moçëm.+
5 Ai pa se ata të tre nuk i kishin dhënë asnjë përgjigje me gojën+ e tyre, ndaj iu ndez zemërimi edhe më shumë.
6 Kështu Elihu, biri i Barakelit, buzitit, tha:«Unë jam i ri në moshë,kurse ju të moshuar.+Ndaj u përmbajta dhe druheshat’ju tregoja njohurinë time.
7 Thashë: ‘Duhet të flasë mosha,dhe duhet të tregojnë mençuri vitet e shumta.’+
8 Në të vërtetë, vdekatarit, ia jep kuptueshmërinë+fryma, po, fryma e të Plotfuqishmit.
9 Nuk janë të mençur vetëm ata që kanë pasur ditë të gjata,+dhe nuk dinë të gjykojnë vetëm ata që janë të moshuar.+
10 Prandaj them: ‘Dëgjomëni,se pikërisht unë do t’ju tregoj njohurinë time.’
11 Prita të flisnit ju,dhe ua vura veshin arsyetimeve tuaja;+po, prita të gjenit fjalët.
12 Ju ndoqa me vëmendje,dhe asnjëri prej jush nuk e qortoi Jobin,po, askush nuk u dha përgjigje fjalëve të tij.
13 Prandaj mos thoni: ‘Ne kemi mençuri;+atë e hodhi poshtë Perëndia dhe jo njeriu.’
14 Ai nuk m’i drejtoi mua ato fjalë,dhe unë nuk do t’i përgjigjem me fjalët tuaja.
15 Ju u shtangët e s’u përgjigjët më;fjalët ju ikën nga goja.
16 Prita, se ju nuk flisnit;rrinit të heshtur e nuk përgjigjeshit.
17 E tani, pikërisht unë do të them përgjigjen time,pikërisht unë do të tregoj njohurinë time,
18 sepse kam plot fjalë për të thënë;fryma më nxit përbrenda.*+
19 Barku më është fryrë si vera e mbyllur;do që të plasë si kacekët e rinj.+
20 Do të flas që të zbrazem,me buzët e mia do të përgjigjem.+
21 Kurrë s’do t’ia mbaj anën njeriu;+dhe askujt nuk do t’i drejtohem me tituj lajkatues,+
22 se as që di ta bëj këtë,përndryshe, Bërësi im+ do të më hidhte tej.
Shënimet
^ Fjalë për fjalë «bark».
