Jobi 12:1-25
12 Atëherë Jobi iu përgjigj me fjalët:
2 «Posi, veç ju keni të drejtë,dhe bashkë me ju do të marrë fund mençuria!+
3 Edhe unë kam një zemër+ ashtu si ju,e nuk qëndroj më poshtë se ju.+E kush nuk i di këto?
4 Jam bërë gazi i botës,+unë që i thërrisja Perëndisë e ai më përgjigjej.+Po, i drejti, i pafajshmi, është gazi i botës.
5 Ai që është rehat, tallet me gjëmën,+e mendon se u bie vetëm atyre që u merren këmbët.+
6 Në tendat e grabitësve s’ka halle,+ata që i ndezin zemërimin Perëndisë, janë të sigurtnjësoj si ata që mbajnë një perëndi në dorë.+
7 Por, pyet pak kafshët, dhe ato do të të mësojnë;+pyet zogjtë e qiellit, dhe ata do të të tregojnë!+
8 Vëri mendjen tokës, dhe ajo do të të mësojë;+edhe peshqit e detit+ do të ta tregojnë!
9 Cili ndër tërë këta nuk e di mirëse dora e Jehovait ka bërë gjithçka?+
10 Po, ai ka në dorë shpirtin+ e çdo të gjallidhe frymën e çdo njeriu.*+
11 A nuk i peshon veshi fjalët,+si shijon qiellza+ ushqimin?
12 A nuk kanë mençuri të moshuarit,+dhe kuptueshmëri ata që kanë ditë të gjata?
13 Perëndia ka mençuri dhe fuqi,+jep këshilla dhe ka kuptueshmëri.+
14 Ai shemb, dhe askush nuk ndërton dot;+ai mbyll, dhe askush nuk hap dot.+
15 Ai u vë fre ujërave, dhe ato shterojnë;+ai i dërgon, dhe ato ia ndryshojnë faqen dheut.+
16 Ai ka forcë dhe mençuri;*+i tiji është ai që gabon dhe ai që mashtron.+
17 I bën këshilltarët të ecin këmbëzbathur,+dhe gjykatësit i bën të marrë.
18 Liron vargonjtë që vënë mbretërit,+dhe u lidh një rrip në mes.
19 I bën priftërinjtë të ecin këmbëzbathur,+dhe ata që kanë zënë rrënjë në vendin e tyre, i përmbys.+
20 Ua mbyll gojën njerëzve të besuar,dhe ua heq gjykimin pleqve.
21 Ai zbraz përçmimin mbi fisnikët,+dhe ua liron brezin të fuqishmëve.
22 Ai zbulon gjërat e thella, fshehur në errësirë,+dhe terrin e nxjerr në dritë.
23 I bën kombet të fuqishme, që t’i shkatërrojë,+i shtrin ato, që t’i dëbojë;
24 ua heq arsyen krerëve të popullit,që të enden në një shkreti pa udhë.+
25 Ata kërkojnë rrugën me të prekur,+ atje ku s’ka dritë,dhe ai i bën të enden si të dehur.+
