Jobi 20:1-29
20 Atëherë Zofari, namatiti, ia ktheu:
2 «Prandaj ato që ke thënë më nxitin mendime turbulluese,dhe ndihem i trazuar përbrenda.
3 Po dëgjoj një këshillë fyese;po m’u përgjigjka një njeri, që s’kupton kurrë sa kuptoj unë.
4 A nuk e ke ditur gjithnjë këtëqë dihet qysh kur u krijua njeriu në tokë,+
5 se britma e gëzuar e të ligut është jetëshkurtër,+dhe gëzimi i apostatit zgjat veç një çast?
6 Ndonëse shkëlqimi i tij ngjitet deri në qiell,+dhe koka e tij prek retë,
7 ai do të zhduket përgjithmonë si jashtëqitja e vet;+ata që e shihnin, do të thonë: ‘Ku është?’+
8 Do të mbarojë si një ëndërr, e nuk do të gjendet më;do të kalojë si një vegim nate.+
9 Syri që e shihte, s’do ta shohë më,+e as vendi i tij.+
10 Bijtë e tij do të kërkojnë hir nga fukarenjtë,duart e tij do të kthejnë gjërat e tij me vlerë.+
11 Kockat e tij ishin plot forcë rinore,por ajo do të shkojë bashkë me të në pluhur.+
12 Sikur e keqja në gojën e tij të jetë e ëmbël,sikur ta mbajë poshtë gjuhës që ta tretë,
13 sikur ajo t’i shijojë, e ai të mos i shqitet,sikur ta mbajë fshehur pas qiellzës,
14 ushqimi do t’i shndërrohet në zorrë,brenda tij, do t’i kthehet në vrer kobrash.
15 Pasuritë që ka gllabëruar, do t’i vjellë;Perëndia do t’ia shkulë nga barku.
16 Do të thithë helmin e kobrës;do të vdesë nga gjuha e nepërkës.+
17 Nuk do t’i shohë kurrë rrjedhat e ujit,+as rrëketë e mjaltit dhe të gjalpit.
18 Mallin e gjënë e fituar do ta kthejë, dhe nuk do ta gllabërojë,ashtu si pasurinë e nxjerrë nga tregtia, por që s’do ta gëzojë.+
19 Sepse dërrmoi, braktisi të varfrin;rrëmbeu shtëpinë që nuk e ndërtoi vetë.+
20 Barku i tij s’do të gjejë prehje;gjërat e tij të çmuara s’do ta shpëtojnë.+
21 S’mbetet gjë tjetër që ta gllabërojë,ndaj dhe mirëqenia e tij s’do të mbajë gjatë.
22 Kur të jetë në kulmin e bollëkut, do të ndiejë ankth,+mynxyra do t’i sulet me gjithë fuqinë e saj.
23 Ah, sikur për t’i mbushur barkun,Perëndia të dërgojë mbi të zemërimin e tij të zjarrtë,+ta hedhë mbi të si shi, e t’i mbushë zorrët.
24 Do t’ia mbathë+ nga arma prej hekuri,dhe do ta bëjë copë harku prej bakri.
25 Shigjeta do t’ia shpojë trupin tejpërtej,dhe një armë vezulluese do t’ia shpojë tëmthin.+Gjëra të tmerrshme do ta sulmojnë.+
26 Thesaret e tij do t’i mbulojë errësira;do ta përpijë një zjarr që nuk e ndezi e nuk i fryu kush.+Atij që mbetet në tendën e tij, do t’i vejë keq.
27 Qielli do t’ia nxjerrë në shesh fajin,+dhe toka do të ngrejë krye kundër tij.
28 Një rrebesh do t’ia marrë para shtëpinë,shumë gjëra do të derdhen kundër tij, kur të vijë dita e zemërimit.+
29 Këtë do të ketë i ligu nga Perëndia,+kjo është trashëgimia që do të marrë prej tij.»
