Uthenga Wabwino Wolembedwa ndi Mateyo 1:1-25
1 Buku lofotokoza mbili ya* Yesu Khristu* mwana wa Davide, mwana wa Abulahamu:
2 Abulahamu anabeleka Isaki;Isaki anabeleka Yakobo;Yakobo anabeleka Yuda ndi abale ake;
3 Yuda anabeleka Perezi ndi Zera mwa Tamara;Perezi anabeleka Hezironi;Hezironi anabeleka Ramu;
4 Ramu anabeleka Aminadabu;Aminadabu anabeleka Naasoni;Naasoni anabeleka Salimoni;
5 Salimoni anabeleka Boazi mwa Rahabi;Boazi anabeleka Obedi mwa Rute;Obedi anabeleka Jese;
6 Jese anabeleka Davide mfumu.
Davide anabeleka Solomo mwa mkazi yemwe anali wa Uriya;
7 Solomo anabeleka Rehobowamu;Rehobowamu anabeleka Abiya;Abiya anabeleka Asa;
8 Asa anabeleka Yehosafati;Yehosafati anabeleka Yehoramu;Yehoramu anabeleka Uziya;
9 Uziya anabeleka Yotamu;Yotamu anabeleka Ahazi;Ahazi anabeleka Hezekiya;
10 Hezekiya anabeleka Manase;Manase anabeleka Amoni;Amoni anabeleka Yosiya;
11 Yosiya anabeleka Yekoniya ndi abale ake, Ayuda atatsala pang’ono kutengedwa ukapolo kupita ku Babulo.
12 Ku Babuloko, Yekoniya anabeleka Salatiyeli;Salatiyeli anabeleka Zerubabele;
13 Zerubabele anabeleka Abiyudi;Abiyudi anabeleka Eliyakimu;Eliyakimu anabeleka Azoro;
14 Azoro anabeleka Zadoki;Zadoki anabeleka Akimu;Akimu anabeleka Eliyudi;
15 Eliyudi anabeleka Eliyezara;Eliyezara anabeleka Matani;Matani anabeleka Yakobo;
16 Yakobo anabeleka Yosefe mwamuna wa Mariya. Mariyayu ndiye anabeleka Yesu, wochedwa Khristu.
17 Conco mibadwo yonse, kucokela pa Abulahamu kukafika pa Davide inalipo 14; kucokela pa Davide mpaka pamene Ayuda anatengedwa ukapolo kupita ku Babulo, panali mibadwo 14; ndipo kucokela pamene Ayuda anatengedwa ukapolo kupita ku Babulo, mpaka kukafika pa Khristu panali mibadwo 14.
18 Koma kubadwa kwa Yesu Khristu kunali motele: Pa nthawi imene Mariya mai ake anali wotomeledwa kwa Yosefe, Mariyayo anapezeka kuti ali ndi pathupi mwa mzimu woyela* asanatengane.
19 Komabe, cifukwa Yosefe mwamuna* wake anali wolungama, anaganiza zomusudzula mwamseli kuti asamucititse manyazi kwa anthu.
20 Koma ataiganizila mofatsa nkhaniyi, mngelo wa Yehova* anaonekela kwa iye m’maloto, n’kumuuza kuti: “Yosefe, mwana wa Davide, usaope kutenga Mariya mkazi wako ndi kupita naye ku nyumba kwako, cifukwa pathupi pamene alinapo pakhala mwa mzimu woyela.
21 Iye adzabeleka mwana wamwamuna ndipo udzamuche Yesu,* cifukwa iyeyo adzapulumutsa anthu ake ku macimo ao.”
22 Zonsezi zinacitikadi, ndipo zinakwanilitsa mau amene Yehova* anakamba kudzela mwa mneneli wake, akuti:
23 “Tamvelani! Namwali adzakhala ndi pathupi n’kubeleka mwana wamwamuna, ndipo adzamupatsa dzina lakuti Emanuweli.” Dzinali polimasulila limatanthauza kuti “Mulungu ali nafe.”
24 Kenako Yosefe anauka n’kucita zimene mngelo wa Yehova* anamulangiza. Anatenga mkazi wakeyo n’kupita naye ku nyumba.
25 Koma sanagone naye mkaziyo kufikila atabeleka mwana wamwamuna, ndipo Yosefe anacha mwanayo dzina lakuti Yesu.
Mau a m'Munsi
^ Kapena kuti, “lofotokoza mzele wa makolo a.”
^ Kapena kuti, “Mesiya; Wodzozedwa.”
^ Kapena kuti, “mwa mphamvu ya Mulungu yogwila nchito.”
^ M’cikhalidwe ca Ayuda, anthu akatomelana anali kuwaona ngati okwatilana.
^ M’Baibo ino, awa ndi malo oyamba pa malo 237 m’Malemba a Cigiriki a Cikhristu pamene pakupezeka dzina la Mulungu lakuti Yehova. Onani Zakumapeto A5.
^ Dzinali m’Ciheberi ndi Yesuwa kapena kuti Yoswa, ndipo limatanthauza kuti “Yehova Ndiye Cipulumutso.”
^ Onani Zakumapeto A5.
^ Onani Zakumapeto A5.
