“Ndidzaika cidani pakati pa iwe ndi mkaziyo, komanso pakati pa mbadwa yako ndi mbadwa yake. Mbadwa ya mkaziyo idzaphwanya mutu wako, ndipo iwe udzaivulaza cidendene.”

Genesis 3:15

“Kudzela mwa mbadwa yako, mitundu yonse yapadziko lapansi idzapeza madalitso cifukwa cakuti wamvela mau anga.”

Genesis 22:18

“Ufumu wanu ubwele. Cifunilo canu cicitike, monga kumwamba cimodzi-modzinso pansi pano.”

Mateyo 6:10

“Mulungu amene amapeleka mtendele adzaphwanya Satana pansi pa mapazi anu posacedwapa.”

Aroma 16:20

“Koma zinthu zonse zikadzakhala pansi pake, Mwana nayenso adzaonetsa kuti ali pansi pa ulamulilo wa Mulungu, amene anaika zinthu zonse pansi pake, kuti Mulunguyo akhale zinthu zonse kwa aliyense.”

1 Akorinto 15:28

 “Tsopano malonjezowo ananenedwa kwa Abulahamu ndi kwa mbadwa yake . . . , kutanthauza munthu mmodziyo, Khristu. Ndipo, ngati ndinu ake a Khristu, ndiye kuti ndinudi mbadwa za Abulahamu, olandila colowa malinga ndi lonjezolo.”

Agalatiya 3:16, 29

“Ufumu wa dziko wakhala Ufumu wa Ambuye wathu ndi wa Khristu wake, ndipo iye adzalamulila monga mfumu mpaka muyaya.”

Cibvumbulutso 11:15

“Conco cinjokaco anaciponya pansi, njoka yakale ija, iye wochedwa Mdyelekezi ndi Satana, amene akusoceletsa dziko lonse lapansi kumene kuli anthu. Anaponyedwa padziko lapansi limodzi ndi angelo ake.”

Cibvumbulutso 12:9

“Kenako anagwila cinjoka, njoka yakale ija, amene ndi Mdyelekezi komanso Satana, n’kumumanga kwa zaka 1,000.”

Cibvumbulutso 20:2