Kodi m’Baibo Muli Nkhani Zotani?

LIZANI

M’Baibo muli uthenga, kapena kuti mau a Mulungu omwe ndi ofunika kwa ife lelolino. Baibo imationetsa mmene tingakhalile ndi umoyo wabwino komanso zimene tingacite kuti tikondweletse Mulungu. Imayankhanso mafunso otsatila:

1 Kodi Mulungu ndani?
2 Kodi mungaphunzile bwanji zokhudza Mulungu?
3 Kodi ndani analemba Baibo?
4 Kodi Baibo imakamba zolondola pa nkhani za sayansi?
5 Kodi m’Baibo muli uthenga wotani?
6 Kodi Baibo inalosela ciani za Mesiya?
7 Kodi Baibo inalosela ciani za nthawi yathu ino?
8 Kodi Mulungu ndiye amacititsa kuti anthu azibvutika?
9 N’cifukwa ciani anthu amabvutika?
10 Kodi Baibo imalonjeza ciani ponena za mtsogolo?
11 N’ciani cimacitika munthu akamwalila?
12 Kodi pali ciyembekezo cotani ponena za anthu amene anamwalila?
13 Kodi Baibo imakambapo ciani pa nkhani ya nchito?
14 Kodi cuma canu mungacisamalile bwanji?
15 Kodi mungacipeze bwanji cimwemwe?
16 Kodi mungathane nazo motani nkhawa?
17 Kodi Baibo ingathandize bwanji banja lanu?
18 Kodi mungacite ciani kuti mumuyandikile Mulungu?
19 Kodi m’mabuku a m’Baibo muli uthenga wotani?
20 Kodi mungacite ciani kuti muzipindula kwambili powelenga Baibo?

MMENE MUNGAPEZELE MAVESI M’BAIBO

M’Baibo muli mabuku ang’ono-ang’ono okwanila 66. Ili ndi zigao ziwili. Cigao coyamba ndi Malemba a Ciheberi ndi Ciaramu (ena amati “Cipangano Cakale”), ndipo cigao caciwili ndi Malemba a Cigiriki (ena amati “Cipangano Catsopano”). Buku lililonse m’Baibo lili ndi macaputala ndi mavesi. Mukapeza lemba, nambala yotsatizana ndi dzina la bukulo ndi caputala, ndipo nambala kapena manambala otsatila ndi vesi kapena mavesi. Mwacitsanzo, Mateyo 1:1 ikutanthauza Mateyo caputala 1, vesi 1.

Mboni za Yehova