FUNSO 6
Kodi Baibo Inalosela Ciani za Mesiya?
ULOSI
“Iwe Betelehemu Efurata, . . . mwa iwe mudzatuluka munthu amene ndidzamusankhe kuti akhale wolamulila mu Isiraeli.”
Mika 5:2
KUKWANILITSIKA KWAKE
“Yesu atabadwa ku Betelehemu wa ku Yudeya m’masiku a Herode mfumu, okhulupilila nyenyezi ocokela Kum’mawa anabwela ku Yerusalemu.”
ULOSI
“Iwo akugawana zobvala zanga, ndipo akucita maele pa zobvala zanga.”
Salimo 22:18
KUKWANILITSIKA KWAKE
“Asilikaliwo atamukhomelela Yesu pa mtengo, anatenga zobvala zake zakunja n’kuzigawa panai . . . Koma cobvala camkatico cinalibe msoko. Cinali nsalu imodzi kucokela pamwamba mpaka pansi. Conco asilikaliwo anauzana kuti: ‘Tisacing’ambe cobvalaci, m’malomwake tiyeni ticite maele kuti tidziwe amene angacitenge’”
ULOSI
“Amateteza mapfupa onse a munthu wolungamayo. Ndipo palibe pfupa ngakhale limodzi limene lathyoledwa.”
Salimo 34:20
KUKWANILITSIKA KWAKE
“Atafika pa Yesu anapeza kuti wafa kale, conco iwo sanathyole miyendo yake.”
ULOSI
“Iye anabayidwa cifukwa ca zolakwa zathu.”
Yesaya 53:5
KUKWANILITSIKA KWAKE
“Mmodzi wa asilikaliwo analasa Yesu m’nthiti ndi mkondo, ndipo nthawi yomweyo magazi ndi madzi anatuluka.”
ULOSI
“Iwo anandilipila ndalama 30 zasiliva.”
Zekariya 11:12, 13
KUKWANILITSIKA KWAKE
“Pambuyo pake mmodzi wa atumwi 12 aja wochedwa Yudasi Isikariyoti, anapita kwa ansembe aakulu n’kuwafunsa kuti: ‘Mudzandipatsa ciani ndikamupeleka kwa inu?’ Iwo anamulonjeza ndalama 30 za siliva.”
