Proveb 6:1-35

  • Mas lukaot long fasin ya blong givim garanti from wan lon (1-5)

  • “Ol lesman, yufala i go luk ol anis” (6-11)

  • Wan man nogud we i no save mekem wan gudfala samting (12-15)

  • Seven samting we Jehova i no laekem nating (16-19)

  • Stap longwe long wan woman nogud (20-35)

6  Boe blong mi, sipos yu makem wan samting olsem garanti blong neba blong yu,+Mo sipos yu bin sekhan* wetem wan strenja,+   Mo sipos yu fas long wan promes we yu bin mekem,Ol tok blong yu oli holem yu olsem trap,+   Taswe boe blong mi, i gud yu mekem olsem blong yu kam fri,From yu stap finis long han blong neba blong yu:Yu go luk neba blong yu mo yu mekem tingting blong yu i stap daon, mo kwiktaem yu mas plis long hem blong i sore long yu.+   Yu no mas letem ae blong yu i slip,O yu letem ae blong yu i kam hevi.   Yu mas mekem se yu fri, olsem wan gasel we i kamaot long han blong man blong hantingMo olsem wan pijin we i kamaot long han blong man blong kasem pijin.   Ol lesman, yufala i go luk anis,+Yufala i lukluk gud fasin blong hem, blong yufala i kam waes.   Nating se hem i no gat komanda, o lida, o rula,   Be long hot taem, hem i stap mekemrere ol kakae blong hem,+Mo long taem blong havest, hem i stap hivimap ol kakae blong hem.   ?Be yu, lesman, bambae yu stap ledaon gogo kasem wetaem??Wetaem bambae yu wekap, yu no moa slip? 10  Sipos yu slip smoltaem, yu ledaon smoltaemYu foldem han blong yu blong spel smol,+ 11  Bambae yu pua kwiktaem olsem we wan stilman i atakem yu,Mo bambae yu sot long plante samting, olsem we wan soldia i atakem yu.+ 12  Wan man nogud we i no save mekem gudfala samting, oltaem i stap wokbaot olbaot i stap talem ol giaman tok.+ 13  Hem i stap satem ae blong hem,+ mo i stap mekem ol saen long leg blong hem, mo i stap muvmuvum ol fingga blong hem sloslo. 14  From we hat blong hem i no stret,Oltaem hem i stap mekem ol rabis plan+ mo i stap mekem trabol olbaot.+ 15  Taswe, bigfala trabol bambae i kasem hem wantaem nomo. Smoltaem moa, ale trabol bambae i smasem gud hem, we bambae i no moa gat wan samting i save mekem hem i kam gud bakegen.+ 16  I gat sikis samting we Jehova i no laekem olgeta nating,Yes, i gat seven samting we hem* i no laekem nating, hemia: 17  Fasin blong flas,+ giaman,+ kilim man i ded,+ 18  Mekem ol rabis plan,+ resis kwik blong go mekem ol samting nogud, 19  Mo giaman witnes we i stap giaman insaed long kot,+Mo fasin ya we man i mekem ol brata blong hem oli harem nogud, nao oli seraot.+ 20  Boe blong mi, yu mas folem gud komanmen blong papa blong yu,Mo yu no mas sakemaot tijing* blong mama blong yu.+ 21  Yu mas fasem olgeta i stap strong long hat blong yu,Yu mas fasem olgeta raon long nek blong yu. 22  Taem yu wokbaot, bambae hem i lidim yu,Taem yu ledaon, bambae hem i stap gad long yu,Mo taem yu wekap, bambae hem i toktok long yu.* 23  From we komanmen hem i wan laet,*+Mo loa i wan laet+Mo ol strong tok blong stretem man, hem i rod blong laef.+ 24  Bambae oli protektem yu long rabis woman,+Mo oli protektem yu long ol swit tok blong woman we fasin blong hem i nogud.*+ 25  Woman olsem i naes tumas, be yu no mas letem hat blong yu i wantem hem+Mo hem i save yusum ae blong hem blong pulum man, be yu no mas letem samting ya i holemtaet yu, 26  From wan prostitut i save mekem man i lusum evri samting gogo i gat wan lof bred nomo i stap,+Be waef blong narafala man, hem i save tekemaot wan gudfala laef.* 27  ?Yu ting se wan man i save rekem faea i go long jes blong hem, be faea ya i no bonem klos blong hem?+ 28  ?Mo yu ting se wan man i save wokbaot antap long ol sakol we oli laet yet, be oli no bonem hem? 29  Hemia i sem mak long man we i stap slip wetem waef blong neba blong hem. Man we i tajem wan woman olsem, hem i no save ronwe long panis.+ 30  Ol man oli no save tingting nogud long wan stilmanSipos hem i stil blong kasem kakae,* taem i hanggri. 31  Be sipos oli faenemaot hem, bambae hem i mas givimbak jenis blong samting ya seven taem. Bambae hem i givimaot evri sas samting long haos blong hem.+ 32  Man we i mekem adaltri* wetem wan woman, hem i no gat gudfala tingting.*Man we i mekem olsem, hem i stap spolem hem nomo.*+ 33  Bambae hem i karekil from mo ol man bambae oli no ona long hem,+Mo krangke fasin ya blong hem, bambae i mekem hem i sem olwe.+ 34  From jalus i mekem se wan hasban i kros bitim mak. Bambae hem i no gat sore nating taem hem i givimbak,+ 35  Bambae hem i no akseptem eni jenis blong samting we man i givimbak long hem.*Mo nating se presen we yu givim i bigwan olsem wanem, be bambae i no mekem kros blong hem i godaon.

Ol futnot

Hemia i minim, mekem wan strong promes blong givim wan samting olsem garanti, blong pembak kaon blong narafala.
NT: “sol blong hem.”
NT: “loa.”
NT: “bambae hem i tijim yu.”
Hemia wan “lamp.”
PT: “woman blong narafala kantri.” Pro 2:16.
NT: “sol.”
NT: “blong fulumap sol blong hem.”
Yu luk Diksonari.
PT: “hat blong hem i wantem wan samting.”
NT: “spolem sol blong hem nomo.”
NT: “akseptem eni ransom.”