Proveb 13:1-25

  • Olgeta we oli lukaotem advaes oli waes (10)

  • Taem hop blong wan man i no kamtru kwik, hat blong hem i soa from (12)

  • Wan gudfala mesenja we king i sanem, i save mekem man i harem gud bakegen (17)

  • Man we i stap wokbaot wetem man we i waes, i mekem hem i waes (20)

  • Taem man i stretem narafala, hemia i soemaot lav (24)

13  Wan boe we i waes, taem papa blong hem i stretem hem, hem i akseptem,+Be wan praod man, hem i no lesin long ol strong tok we hem i kasem.*+   Gudfala samting we i kamaot from tok we man i talem,* i mekem hem i harem gud.+ Be ol man blong giaman, ol samting we oli wantem tumas, i blong* faet nomo.   Man we i stap lukaot gud maot blong hem,* hem i protektem laef* blong hem,+Be man we i bigmaot, bambae trabol i kasem hem we i spolem gud hem.+   Wan lesman, nating se hem i hanggri tumas from plante samting, be hem* i no gat wan samting,+Be man* we i wok had, bambae hem i kasem evri samting we hem i wantem.*+   Ol stret man oli no laekem nating fasin blong giaman,+Be aksen blong man nogud i mekem olgeta oli sem, mo ol man oli no ona long olgeta.   Fasin we i stret, i stap protektem man we i no mekem samting we i rong,+Be rabis fasin, i stap mekem man blong mekem sin i foldaon.   I gat sam man oli stap mekem olsem se oli rij, be oli no gat wan samting nating,+I gat sam narafala we oli stap mekem olsem se oli pua, be oli gat plante gudgudfala samting.   Ol rij samting oli olsem ransom blong pemaot laef blong man,*+Be puaman, i no gat wan samting nating i mekem hem i fraet.*+   Laet blong wan stret man i saen gud,*+Be laet* blong man nogud, bambae i ded.+ 10  Fasin ya we man i stap mekem samting we hem i no gat raet long hem, i stap lidim hem blong mekem faet nomo,+Be waes, hem i blong olgeta we oli lukaotem advaes.*+ 11  Ol sas samting we man i kasem kwiktaem nomo,* bambae oli godaon sloslo,+Be ol sas samting we man i hivimap smosmol oltaem,* bambae oli kam plante moa. 12  Taem man i stap wet long wan samting be* i slo blong kamtru, hat blong hem i soa from,+Be taem ol samting we man i wantem i kamtru, hemia i olsem wan tri blong laef.+ 13  Man we i no wantem lesin long advaes,* bambae hem i kasem trabol from,+Be man we i respektem loa, bambae hem i kasem pei from.+ 14  Ol tijing* blong man we i waes, oli stamba blong laef,+Yes, oli pulum man blong i tanem baksaed long trap ya we i lidim man i go long ded. 15  Man we i gat hed i save pulum ol narafala blong oli glad long hem,Be ol man blong trik, rod blong olgeta i strong we i strong. 16  Man we i tingting gud, samting we hem i mekem i soemaot se hem i gat save,+Be man we i no gat hed, hem i soemaot ol krangke fasin blong hem.+ 17  Wan rabis mesenja, i save foldaon long trabol,+Be wan gudfala mesenja we king i sanem, i save mekem man i harem gud bakegen.+ 18  Man we i sakemaot ol tok blong stretem hem, bambae hem i sem mo i no gat samting,Be man we i letem narafala i stretem hem,* bambae ol man oli presem hem from.+ 19  Taem wan man* i kasem samting we hem i wantem, hem i glad tumas,+Be man we i stupid, hem i no wantem nating blong gowe long samting we i nogud.+ 20  Man we i stap wokbaot wetem man we i waes, bambae hem i kam waes,+Be man we i stap joen wetem man we i stupid, bambae hem i kasem trabol nomo.+ 21  Trabol i stap folem ol man blong mekem sin,+Be gudfala laef hem i pei blong ol stret man.+ 22  Gudfala man, hem i lego ol samting we hem i gat, blong ol smol bubu blong hem oli save tekem i blong olgeta,Be ol gudgudfala samting we i blong ol man blong mekem sin, bambae oli putumgud i stap se i blong ol stret man.+ 23  Graon we puaman i plao long hem, i stap karem plante kakae,Be from we i no gat stret fasin, hem i save lus. 24  Man we i holembak stik* blong hem, i no laekem boe blong hem,+Be man we i lavem boe blong hem, oltaem* hem i stretem hem.+ 25  Stret man i stap kakae gogo i fulap gud,*+Be man nogud, stomak blong hem i emti.+

Ol futnot

NT: “i no lesin taem man i stretem hem.”
PT: “we i kamaot long maot blong man.”
NT: “sol blong olgeta i wantem.”
NT: “long samting we hem i talem.”
NT: “sol.”
NT: “sol blong hem.”
NT: “sol.”
PT: “bambae hem i fatfat.”
NT: “sol.”
PT: “i no harem ol strong tok nating.”
PT: “glad.”
Hemia wan “lamp.”
NT: “olgeta we oli toktok tugeta fastaem.”
NT: “we man i kasem from i flas.”
PT: “we man i yusum han blong hem blong hivimap.”
NT: “Taem hop blong wan man.”
NT: “long ol tok we oli talem long hem.”
NT: “loa.”
NT: “i tok blong stretem hem.”
NT: “sol.”
NT: “i no stretem boe; i no panisim boe.”
MNT: “kwiktaem.”
NT: “gogo sol blong hem i harem gud.”