Proveb 21:1-31

  • Jehova i lidim hat blong king (1)

  • Jastis i gud moa i bitim sakrefaes (3)

  • Man we i stap wok had, ol plan blong hem oli go gud (5)

  • Man we i no stap lesin long puaman, bambae i no gat man i harem hem (13)

  • I no gat waes we i save agensem Jehova (30)

21  Hat blong king i olsem ol reva long han blong Jehova.+ Hem i lidim hat blong king olsem we Hem i wantem.+   Maet wan man i ting se olgeta rod blong hem oli stret nomo,+Be Jehova i stap skelem hat blong man.*+   Yu mas mekem samting we i stret, mo yu mas mekem i sem mak long olgeta manHemia i mekem Jehova i glad moa i bitim we yu stap mekem sakrefaes.+   Ae we i praod mo hat we i trastem hem wan tumasOli olsem laet we i stap lidim ol man nogud, be tufala fasin ya i sin.+   Man we i stap wok had, i sua se ol plan blong hem bambae oli go gud,*+Be ol man we oli stap wok hariap, i sua se bambae oli kam pua nomo.+   Ol gudfala samting we man i kasem from i stap giaman,Oli olsem smok we i lus kwiktaem nomo, yes wan trap we i save kilim man i ded.*+   Raf fasin blong ol man nogud, bambae i brumaot olgeta bakegen,+From oli no wantem mekem jastis.   Man we i brekem loa, ol rod blong hem oli kruked olbaot,Be wan man we fasin blong hem i klin, ol wok blong hem oli stret.+   I moa gud man i go stap long wan kona blong rufI bitim we hem i stap long sem haos wetem wan waef we i stap rao oltaem.*+ 10  Man* nogud i hanggri tumas from samting we i rabis.+ Hem i no soemaot nating se hem i sore long neba blong hem.+ 11  Taem wan flas man i kasem panis, man we i no gat ekspiriens i kam waes moa,Mo taem wan man we i waes i kasem save gud wan samting, hem i gat save.*+ 12  Man Ya We Fasin Blong Hem i Stret, i stap lukluk gud haos blong man nogud,Hem i spolem ol man nogud we i flatemgud olgeta.+ 13  Man we i blokem sora blong hem from i no wantem harem puaman we i stap krae,Hem tu, sipos hem i singaot, bambae i no gat man i save ansa long hem.+ 14  Wan presen we man i givim haed nomo, i save daonem kros,+Mo dotimane we man i givim haed nomo,* i save daonem kros. 15  I wan samting blong glad taem stret man i mekem jastis,+Be i wan rabis samting long olgeta we oli stap mekem nogud fasin. 16  Man we i gowe long rod we i waesBambae i go stap wetem olgeta ya we oli ded finis, oli no moa gat paoa.+ 17  Man we oltaem i laekem blong gat gudtaem,* bambae i kam pua.+ Man we i laekem waen mo oel, bambae hem i no save kam rij. 18  Man nogud hem i olsem ransom blong tekemaot wan stret man,Mo man we i gat tu fes bambae i tekem ples blong wan stret man.+ 19  I moa gud man i go stap long draeplesI bitim we hem i stap wetem wan waef we i stap rao oltaem,* mo i stap mekem hem i kros.+ 20  Man i save faenem ol gudgudfala samting mo oel long haos blong man we i waes,+Be wan we i stupid bambae i westem* olgeta samting we hem i gat.+ 21  Man we i stap folem stret fasin mo i stap lavem man oltaemBambae i kasem laef, hem i kam wan stret man, mo i kasem glori.+ 22  Wan man we i waes, i save klaem i go ova long* taon we ol strong man oli stap long hem,Mo i spolem gud paoa we ol man long taon ya oli trastem.+ 23  Man we i lukaot gud long maot mo long tang blong hem,Hem i stap tekemaot hem wan* long trabol.+ 24  Wan man we i stap mekem samting we hem i no gat raet blong mekem, mo i stap tok flas, hem i wan manWe i no kea nating, i stap mekem samting we hem i no gat raet blong mekem.+ 25  Samting we wan lesman i wantem tumas bambae i lidim hem i go long ded,From we hem i no wantem yusum han blong hem blong wok.+ 26  Stat long moning kasem sapa, tingting blong wantem tumas samting i stap holemtaet hem,Be wan stret man i givim samting i go nomo, i no holemtaet wan samting.+ 27  Sakrefaes blong ol man nogud, i nogud we i nogud.+ !Mo sipos oli mekem wetem wan tingting we i nogud,* hemia i mowas olgeta! 28  Wan giaman witnes bambae i ded,+Be wan man we i lesin gud, ol poen we hem i talem, bambae oli mekem hem i win.* 29  Wan man nogud i mekem ol man oli ting se hem i save mekem eni samting,+Be rod blong wan stret man nao i save lidim gud man.*+ 30  I no gat waes, o fasin luksave, o advaes, we i save agensem Jehova.+ 31  Man i save mekemrere ol hos blong go mekem faet,+Be paoa blong sevem man i blong Jehova.+

Ol futnot

NT: “ol tingting we i pusum man blong mekem samting.”
NT: “bambae hem i kasem gudfala samting from.”
MNT: “blong olgeta we oli stap lukaotem ded blong olgeta.”
NT: “toktok tumas.”
NT: “Sol blong man.”
NT: “hem i save wanem blong mekem.”
PT: “givim aninit long klos.”
NT: “laekem ol samting blong harem gud.”
NT: “toktok tumas.”
PT: “solemdaon.”
NT: “i save winim wan.”
NT: “sol blong hem.”
NT: “sipos oli mekem ol samting blong sem taem oli mekem sakrefaes.”
PT: “bambae hem i toktok olwe.”
NT: “Be wan stret man i sua se rod blong hem i stret.”