Proveb 11:1-31

  • Waes i stap wetem man we i gat tingting daon (2)

  • Wan apostasi i stap spolem narafala man (9)

  • “Taem i gat plante man blong givim advaes, ol samting oli go gud” (14)

  • Man we i stap givim samting long gladhat, bambae hem i gat plante samting (25)

  • Man we i stap trastem ol rij samting blong hem, bambae i foldaon (28)

11  Ol skel we oli no tru,* oli nogud we oli nogud long ae blong JehovaBe hem i glad long skel we hevi blong hem i stret gud.*+   Taem man i mekem samting we hem i no gat raet long hem, i no longtaem ol man bambae oli no moa ona long hem,+Be waes i stap wetem man we i gat tingting daon.+   Ol man we oli stret, fasin blong olgeta we i klin gud i stap lidim olgeta,+Be ol man blong giaman, ol trik blong olgeta nomo bambae i spolem olgeta bakegen.+   Ol sas samting* oli no save givhan nating long dei blong kros,+Be stret fasin nao bambae i sevem man blong i no ded.+   Man we i no gat poen long hem, ol stret fasin blong hem, oli mekem se rod blong hem i stret,Be man nogud, ol rabis fasin blong hem nomo bambae oli mekem hem i foldaon.+   Stret fasin blong ol gudfala man bambae i sevem olgeta,+Be ol man blong giaman, ol samting we olgeta nomo oli wantem, bambae i kasem olgeta bakegen.+   Taem wan man nogud i ded, hop blong hem tu i lus,Mo ol samting we hem i stap wet from, we hem i save kasem from paoa blong hem nomo, olgeta tu oli lus.+   Stret man i save kamaot long trabol,Mo man nogud i tekem ples blong hem.+   Maot blong man blong apostasi* i stap spolem ol neba blong hem,Be save nao i stap sevem stret man.+ 10  Gudfala fasin blong ol stret man, i mekem se ol man blong wan taon oli glad,Mo taem ol man nogud oli lus, ol man oli krae from we oli glad tumas.+ 11  Ol man oli stap leftemap wan taon from blesing we ol stret man oli kasem,+Be tok* blong ol man nogud, i stap brebrekem taon ya.+ 12  Man we i no gat gudfala tingting,* hem i stap agensem* neba blong hem,Be man we i rili luksave samting, hem i stap kwaet nomo.+ 13  Man blong spolem nem blong narafala, i go olbaot i stap talemaot ol sikret,+Be man we yu save trastem,* i haedem ol sikret.* 14  Taem i no gat gudfala advaes blong lidim ol man,* ol man oli safa,Be taem i gat plante man blong givim advaes, ol samting oli go gud.*+ 15  Man we i putum garanti long lon blong wan strenja,* i sua se bambae hem i kasem trabol,+Be man we i no* sekhan blong givim wan samting olsem garanti, bambae hem i stap gud. 16  Woman we i gat naesfala fasin,* hem i stap kasem glori,*+Be ol man we fasin blong olgeta i strong, oli stap pulumaot ol rij samting blong ol narafala man. 17  Man we i kaen,* hem i stap mekem i gud long hem wan,*+Be man we i raf tumas, hem i stap pulum trabol* i kam long hem nomo.+ 18  Pei we man nogud i stap kasem, hem i wan giaman pei nomo,+Be man we i stap mekem ol fasin we i stret, hem i stap kasem pei we i tru.+ 19  Man we i strong blong sapotem stret fasin, hem i stap long rod blong laef,+Be man we i stap ronem ol rabis fasin, hem i stap long rod blong ded. 20  Olgeta we hat blong olgeta i no stret, oli nogud we oli nogud long ae blong Jehova+Be olgeta we oli no gat poen, oli mekem hem i glad tumas.+ 21  Yu mas bilivim tok ya:* Man nogud i no save ronwe long hem,+Be ol pikinini blong ol stret man, bambae oli ronwe. 22  Woman we fes blong hem i naes, be i sakemaot ol gudfala tingting,Hem i olsem gol ring long nus blong wan pig. 23  Ol samting we ol stret man oli wantem, i lidim olgeta blong kasem ol gudfala samting,+Be ol samting we ol man nogud oli putum hop long hem, i stap pulum God blong i kros long olgeta. 24  Man we i glad blong givim samting,* hem bambae i kasem plante moa samting,+Narafala man we i stap holemtaet ol samting we hem i sud givimaot, hem bambae i kam pua.+ 25  Man* we i glad blong givim samting, bambae hem i gat plante samting,*+Mo man we i stap mekem ol narafala oli harem gud,* bambae ol narafala oli mekem hem tu i harem gud.+ 26  Ol man bambae oli singaot trabol i kam long man we i stap holemtaet ol kakae, i no salem,Be bambae oli blesem man we i salem kakae. 27  Man we i traehad blong mekem ol gudfala fasin, hem i wantem se wan i glad long hem,+Be man we i stap lukaot ol rabis fasin, hemia nao samting we bambae i kasem hem.+ 28  Man we i stap trastem ol rij samting blong hem, bambae hem i foldaon,+Be ol stret man bambae oli gohed gud olsem tri we lif blong hem i grin gud.+ 29  Man we i pulum trabol* i kam long ol famle blong hem, bambae hem i no winim wan samting,*+Mo man we i no gat hed, bambae i kam wokman blong man we i waes. 30  Ol samting we ol stret man oli stap mekem, i olsem tri blong laef,+Mo man we i pulum ol narafala* oli kambak long stret rod, hem i waes.+ 31  Sipos i tru se stret man long wol i kasem pei,Hemia i min se man nogud mo man blong mekem sin tu i mas kasem pei.+

Ol futnot

NT: “ol skel blong trikim man.”
NT: “wan ston blong skel we i fulwan.”
NT: “Ol gudgudfala samting.”
NT: “man we i no bilif long God.”
NT: “maot.”
PT: “hat blong hem i wantem wan samting.”
NT: “lukluk rabis long.”
PT: “man we i holemtaet tingting blong hem.”
PT: “hem i kavremap wan samting.”
NT: “no gat ol waes advaes.”
NT: “ol man oli sef.”
NT: “makem wan samting olsem garanti.”
PT: “we i no laekem nating blong.”
NT: “we i naes mo i kaen.”
Yu luk Diksonari.
NT: “Man we i gat lav.”
NT: “mekem i gud long sol blong hem.”
NT: “sem.”
PT: “Han i joenem han.”
PT: “i givimaot ol samting.”
NT: “Sol.”
PT: “bambae hem i fatfat.”
PT: “i givim wota long narafala we i fri nomo.”
NT: “sem.”
PT: “bambae hem i kasem win.”
NT: “sol.” Yu luk Diksonari.