Proveb 4:1-27

  • Waes advaes blong wan papa (1-27)

    • Antap long olgeta samting, yu mas traehad blong kasem waestok (7)

    • Yu mas stap longwe long rod we oli nogud (14, 15)

    • Rod blong ol stret man i stap kam klia moa (18)

    • “Yu mas lukaot gud moa long hat blong yu” (23)

4  Ol boe blong mi, yufala i mas lesin gud taem wan papa i stretem yufala,+Yufala i mas lesin gud blong yufala i kasemsave samting,   From we bambae mi givim gudfala advaes long yufala,Yufala i no mas sakemaot ol tijing* blong mi.+   Mi mi trufala boe blong papa blong mi+Mo mama blong mi i lavem mi tumas.+   Yes, papa i tijim mi, i talem se: “I gud yu holemtaet ol tok blong mi long hat blong yu.+ Yu kipim ol komanmen blong mi blong yu gohed blong laef.+   Yu mas kasem waes mo yu mas kasemsave samting.+ Yu no mas fogetem, mo yu no mas tanem baksaed long samting we mi talem.   Yu no mas sakemaot waes, nao bambae i protektem yu. Yu mas lavem waes, nao bambae hem i blokem gud yu.   Waes i impoten moa long ol narafala samting,*+ taswe yu mas traehad blong kasem waes. Mo nomata wanem samting yu yu gat, be yu mas traehad blong kasemsave samting.+   Yu mas tinghae long hem, nao bambae hem i leftemap yu.+ Bambae hem i ona long yu, from we yu yu holem hem i fasgud long yu.+   Bambae hem i putum wan naesfala hat we oli wokem long lif long hed blong yu. Bambae hem i flasem gud yu, olsem wan naesfala hat blong king.” 10  Boe blong mi, yu mas lesin mo yu akseptem ol tok blong mi,Nao bambae yu laef plante yia.+ 11  Bambae mi tijim yu blong yu mekem samting long fasin we i waes,+Bambae mi lidim yu blong folem ol rod blong stret fasin.+ 12  Taem yu wokbaot, bambae i no gat wan samting i holemtaet leg blong yu,Mo sipos yu ron, bambae i no gat wan samting i mekem yu stambol. 13  Yu mas holemtaet ol tok we man i talem blong stretem yu, yu no mas lego.+ Yu mas lukaot gud long hem, from we hem i laef blong yu.+ 14  Yu no mas pas long rod blong ol man nogud,Mo yu no mas wokbaot folem fasin blong ol rabis man.+ 15  Yu mas stap longwe long hem, yu livim hem+Yu tanem baksaed long hem, mo yu pas bitim hem yu go.+ 16  Hemia from we oli no save slip gogo oli mekem samting we i nogud fastaem. Oli no save slip. Oli mas spolem wan man fastaem, biaen nomo oli save slip. 17  Rabis fasin i olsem bred blong olgeta,Mo faet i olsem waen blong olgeta. 18  Be rod blong ol stret man i olsem laet long eli moning,We sloslo i stap kam klia moa gogo i delaet gud.+ 19  Rod blong ol man nogud i olsem tudak,Oli no save wanem i mekem se oli stambol. 20  Boe blong mi, yu mas lesin long ol tok blong mi,Yu mas lesin gud* long ol tok we mi stap talem. 21  Yu no mas tekemaot ae blong yu long olgeta,Yu mas kipim olgeta, dip insaed long hat blong yu,+ 22  From we oli givim laef long man we i faenem olgeta,+Mo oli mekem ful bodi* blong man i helti. 23  Yu mas lukaot gud moa long hat blong yu i bitim eni narafala samting,+From hem nao i stamba blong laef. 24  Yu mas putum ol toktok we oli no stret oli stap longwe long yu,+Mo yu mekem se ol giaman toktok oli stap longwe long yu. 25  Ae blong yu i mas lukluk i go stret nomo long fored,Yes, yu mas lukluk i go stret nomo* long fored.+ 26  Yu smutum gud* rod blong leg blong yu,+Nao olgeta rod blong yu bambae oli go gud. 27  Yu no mas traem blong go long lef o long raet.+ Yu mas tanem baksaed long ol samting we i nogud, yu wokbaot i gowe.

Ol futnot

NT: “loa.”
NT: “i nambawan samting.”
PT: “Yu kam klosap, yu lesin gud.”
PT: “mit.”
NT: “ae blong yu i mas open bigwan, mo yu lukluk i go.”
MNT: “tingting gud long.”