Proveb 25:1-28
25 Hemia sam narafala proveb blong Solomon,+ we ol man blong Hesekia+ we i king blong Juda, oli raetemaot:*
2 God i kasem glori from fasin blong kipim wan samting i sikret,+Mo ol king oli kasem glori from oli stap lukaotem evri samting long saed blong wan bisnes.
3 Man i no naf blong faenemaot ol tingting long hat blong ol king,Tingting blong olgeta i olsem heven we i hae we i hae mo i dip olsem wol ya we i dip we i dip.
4 Yu karemaot ol doti long silva,Mo bambae hem i kam klin gud.+
5 Yu tekemaot ol man nogud long fored blong king,Blong rul blong hem bambae i stanap strong long stret fasin.+
6 Taem yu stap long fes blong king, yu no mas tinghae long yu wan,+Mo yu no mas go sidaon wetem ol man we oli impoten,+
7 I moa gud we king i talem long yu se: “Yu kam antap ya,”I bitim we hem i mekem yu yu sem long fored blong wan haeman.+
8 Yu no mas kwik blong tekem wan man i go long kot blong yu stretem wan raorao,From we sipos neba blong yu i mekem yu yu sem, ?bambae yu mekem wanem?+
9 I gud yu tokbaot samting ya wetem neba blong yu,+Be yu no mas tokbaot ol samting we man i bin talemaot long yu nomo,*+
10 Olsem nao, man we i stap lesin bambae i no save mekem yu yu sem,Mo sipos yu talemaot wan nogud ripot,* bambae yu no save tekembak.
11 Tok we man i talemaot long stret taem,Hem i olsem ol gol apol long ol silva plet.*+
12 Man we sora blong hem i glad blong lesin long waes man we i tok strong long hem,I olsem we hem i kasem wan iaring long gol mo wan nekles long gudfala gol.+
13 Kolkol blong sno i save mekem ol man long taem blong havest, oli harem gud,Olsem we wan gudfala mesenja i save mekem masta blong hem* i harem gud,From we oltaem hem i mekem gud wok blong ol man we oli sanem hem.+
14 Man we i stap tok flas blong givim wan presen, be i neva givim,*Hem i olsem klaod mo win we i neva tekem ren i kam.+
15 Man we i gat longfala tingting hem i save winim wan komanda,Mo man we toktok blong hem i kaen, hem i save brekem wan bun.+
16 Sipos yu faenem hani, i gud yu kakae i naf nomo,From we sipos yu kakae tumas, bambae i mekem yu yu traot.+
17 Yu no mas go oltaem long haos blong neba blong yu,Olsem nao, bambae hem i no save kam taed long yu mo i agensem yu.
18 Man we i stap talem ol giaman tok agensem neba blong hem,Hem i olsem wan nalnal mo wan naef blong faet mo wan sap ara.+
19 Long taem blong trabol, sipos yu trastem wan man we i no blong trastem,*Hemia i olsem we yu stap trastem wan tut we i brok, no wan leg we i seksek.
20 Man we i go singsing long man we hat blong hem i hevi,Hemia i olsem we hem i tekemaot klos blong man ya long koltaem,Mo i olsem we hem i putum vinega long soda.*+
21 Sipos enemi blong yu* i hanggri, yu givim bred long hem blong i kakae.
Sipos hem i tosta, yu givim wota long hem blong i dring,+
22 Long fasin ya, bambae i olsem we yu stap hivimap ol hot sakol long hed blong hem,*+Mo Jehova bambae i givim pei long yu from.
23 Not win i stap mekem bigfala ren i foldaonLong sem fasin, man we i stap tokbaot man, hem i stap mekem fes blong man i kam nogud, i kros oltaem.+
24 I moa gud man i go stap long wan kona blong ruf,I bitim we hem i stap long sem haos wetem wan waef we i stap rao oltaem.*+
25 Taem wan man i kasem wan gudfala ripot we i kamaot long wan kantri longwe,Hemia i olsem kolwota long bodi blong man* we i taed.+
26 Wan gudfala man we i go joen wetem wan man nogud,*Hem i olsem wan springwota we i kam doti mo wan wel we i nogud finis.
27 I nogud blong kakae tumas hani,+Mo i no stret tu we man i traem pulum ol narafala blong givim glori long hem.+
28 Man we i no save kontrolem kros blong hem,*Hem i olsem wan taon we i brok finis, i no gat stonwol i goraon long hem.+
Ol futnot
^ NT: “oli kopi mo oli joenem ol tingting ya wanples.”
^ NT: “ol sikret blong ol narafala.”
^ NT: “wan giaman tok blong spolem narafala.”
^ NT: “we oli putum olgeta long silva plet.”
^ NT: “sol blong masta blong hem.”
^ PT: “wan presen we i no tru.”
^ MNT: “wan rabis man.”
^ NT: “kemikol ya alkali.”
^ PT: “man we i no laekem yu.”
^ Hemia i blong mekem tingting blong man ya i kam sofsof, nao strong fasin ya blong hem i ronaot.
^ NT: “toktok tumas.”
^ NT: “agri long rabis fasin blong wan man nogud.” PT: “seksek taem i stap long fored blong wan man nogud.”
^ NT: “Man we i no save bos long tingting blong hem.”
